[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         الساحة الجماعية لطلاب الصيدلة (جميع السنوات)       آخر رد : ....{SalaM}....  ]        تداخل دوائي خطير ممكن ان يكون قاتل       آخر رد : *ZAID*  ]        صيدلي....ماذا فعلت بعد التخرج؟       آخر رد : ....{SalaM}....  ]        لجوء أو ماذا       آخر رد : phmab  ]        الديلتيازيم و دعم التوافر الحيوي للسيكلوسبورين       آخر رد : pharm bites  ]        لمة عيلة الصيدلة بعد الغياب       آخر رد : ....{SalaM}....  ]        بتبقى ذكرى ما بتنتسى..       آخر رد : ....{SalaM}....  ]        ساحة الخريجين.....صيدلة       آخر رد : iron_man  ]        سنة ثالثة صيدله       آخر رد : ..3>..  ]        ...معلومة عالماشي يا صيدلي...       آخر رد : ..3>..  ]        طبختنا لليوم :)       آخر رد : ....{SalaM}....  ]        شعورك بآية "صحيحة"       آخر رد : ....{SalaM}....  ]        عش كيمياء الدواء       آخر رد : ....{SalaM}....  ]        لنرسم لوحة فنية معاً...       آخر رد : نور الهداية  ]        مشروع ترجمة موسوعة التكنولوجيا الصيدلية الجماعي...       آخر رد : نور الهداية  ]        للصيادلة الفضوليين فقط.......       آخر رد : phmab  ]        .::صورة... وبيت::.       آخر رد : phmab  ]        ♥♥♥مساعدة خطيرة وضرورية و اخوية♥♥♥       آخر رد : ..3>..  ]        مطلوب شهادة صيدلة       آخر رد : **فراشة الحب**  ]        كلية الصيدلة...السنة الرابعة.......الفصل الأول...دليل الطالب       آخر رد : مصطفى..............ح  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث 29-11-2017



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الصيدلة



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الأقسام العامة ساحة كلية الصيدلة --> المواضــيــع المتمــيزة
    هل مررت يوماً بـ.... شارع الثورة !!!
عنوان البريد :  
كلمة المرور :  
                    تسجيل جـديد


صفحة 1 من 7  1 2 3->

.هل مررت يوماً بـ.... شارع الثورة !!!


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 15

غير موجود
اشــترك بالتحديثات
رسالة مستعجلة

هل مررت يوماً بـ.... شارع الثورة !!!

29-06-2009 05:04 PM




شارع الثورة  ... اسم صار عندي متل الكابوس  .. مجرد ذكر اسمو قدامي بيكركبلي كياني  .. وهلأ بعدما خلصنا دوام والحمد لله.. حاسة أكبر نعمة هيي الخلاص من زيارة هالشارع العظيم أكتر من خلاص الفحص ودراستو... عنجد ياجماعة ما عم بالغ.. يعني مجرد إني اتذكرو بيخطر ع بالي المثل:(شو بدي اتذكر منك ياسفرجل.. كل عضة بغصة)..

وإذا مو مصدقين.. عيشو معي هاللحظات الرائعة من أحداث شارع الثورة.. 

واعتبروني راجعة من الكلية ونازلة من جوبر مزة.. أول ما بنزل بستفتح بشي بيجيب الجلطة .. ما بلاقي غير زلمة ختيار بيوقف بوشي  بدو يبيعني شي محطوط بكياس.. يعني إذا أنا بنت وشايفني حاملة كتب ومالي شاحطة ورايي قنينة غاز.. كرمال الله شو بدي بجلد الغاز؟؟؟   ..

ماشي ..طنشنا وكملنا مشي.. بلاقي آخر صرعة نازلة عالسوق: ... "حطها بالمي بتكبر.. بس بعشر ليرات".. عرفتوها؟؟ هي متل طابات الجيلاتين يلي بتنفش إذا انحطت بالمي.. وأحلى شي البياع يلي كان بالشتا ينادي "جواكيت جلد طبيعي بألف ليرة بس.. قرب يا حباب" بدي افهم شو هالجلد الطبيعي يلي بألف ليرة؟؟  اللهم اجعلو.. وهلق بيبيع ساعات عالبسطة ..بس أصلية هه "بخمسين ليرة" !!!  لا وبعد كم خطوة كان في زلمة ينادي "أكبر جريمة اليوم" .. وسبحان الله كل يوم في أكبر جريمة.. تقولو المافيا عنا مو هيك.. بس مدري ليش ما عدت شفتو..الظاهر اغتالوه..   

لا وكلو كوم وهالحديقة يلي حوالين الحمّام-بسوق ساروجة- واللي هدو الأبنية العتيقة مشان يساووها كوم تاني.. يعني هيي حلوة وما فيها شي غلط إلا شغلة وحدة.. إنو العالم صارت تتلحوش فيها وكأنو متسطحين ببيتن وأعز.. شو هالمنظر؟ والله مو حلو.. 

وهدا كلو ولسه ما طلعنا عجسر المشاة  .. طيب..وهي طلعنا عالجسر يلي دوبو وسعان العالم.. فوق هيك بتلاقي نصو رايح بسبب بياعين البسطات والمتسولين(أحلى شي إنو مرة لقيت هدا الزلمة يلي بيشحد عند نفق الآداب وعلى أساس معلول مدري شبو كان نفسو على هالجسر عم يشحد.. عم يغير جو الزلمة).. بس والله أكتر شي بزعل عالولاد يلي يا دوب عمرن 8 سنين بتلاقيهن نايمين قدام بسطات البسكوت يلي عم يبيعوها وهنن فطسانين من التعب والشوب .. الله يصلح الحال..

ماشي.. نزلنا عن الجسر والحمد لله بدون خسائر (مادية)..فبيستقبلنا.. "اشترو آخر مرسوم للسيد الرئيس حول المدري شو".. أو.."آخر ترددات الأقمار الصناعية.." وكل هالشغلات معلقة عالسور يلي بلزق الجسر..

وشي وصل عالمكان يلي بستنى فيه الميكرو ..هووووووون بقى الطامة الكبرى     .. أكتر شي بجاكرني بهالشارع كلو هو إنو بيكون الواحد تعبان وراسو رح ينفجر بعد الدوام الطويل والشوب الفظيع والطجطجة بالباصات ومالو طايق يسمع شي.. بيقوم بيلاقي مين ينادي (شرطكن بوجود مكبرات صوت .. هدا زمن تكنولوجيا مو شلون ما كان).."بعشر ليرات.. أي قطعة بعشر ليرات.. بعشرة والعشرة بمية.. محسوبة.. اللهم صلي على سيدنا محمد.. قرب يا حبيبي قرب يا عيني.. بعشر ليرات.. ألعاب وهدايا واكسسوارات.. بعشر ليرات القطعة بعشر ليرات" الله وكيلكن صوتو الحنون بيضرب عالعصب.. بتمنى قلو هي 100 ليرة بس اسكوووت .. أو إني قيم هالمكبر يلي مأنزعلي ياه تحت لوحة الإعلان مشان الكل ينصرع وطحبشو طحبشة ...

وفوق هيك وهيك بدك تستحمل أو بالأحرى تستحملي التلطيش يلي ما بينسمع وبيشلّع المنافس.. بس يا عيب الشوم عالعالم يلي ما عادت استحت من هيك حكي بيخجل الحجر .. أي والله يا عيب الشوم  ..
المهم.. إجا الميكرو والحمد لله.. وهي زلغوطة .. وبلش الطحش.. طيب.. فهمنا إنو متلي متايل وإنو الكل تعبان وبدو يركب مشان ينضب ببيتو بقى.. وإنو ما عاد حدا من الشباب يبعد للبنت مشان تركب بدالو.. وبيجوز الحق معو.. بس يا أخي كرمال الله إذا سبقتك وإجيت لاطلع قبلك لا تدعس على رجلي وتطحش عليي وتطلع قبلي .. مو مشان شي بس والله مو حلوة بحقك...

فشو رأيكن بـ... شارع الثورة؟؟ بذمتكن إذا فتلتو الدنيي طول وعرض إن كان بالهندأو بالصين أو بأميركا.. رح تلاقو أخو هالشارع بكل مناظر الحضارة يلي فيه ؟؟ بشك
بكل الأحوال الله يبعتلي سيارة ويبعتلكن من واسع كرمو مشان نخلص من كل المآسي تبع هالشوارع الراااائعة ... وإذا ما صار هالشي.. فالمكسب معنا.. منعيش كل يوم مغامرة شكل .. والله يكتبلنا الثواااااب 
     







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


Ph..Ruaa

عضــو فضـي

قيمتك قيمة ماأنت مشغول به ...




مسجل منذ: 07-09-2008
عدد المشاركات: 1761
تقييمات العضو: 1
المتابعون: 27

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 05:26 PM




والله يانانون

رجعتنيني للمآسي اللي كنت عيشها

     

آآآآآآآآآآآآآآخ احسن شي 

بتصدقي انو مبارح كنت عم أوصف المأساة اللي عم عيشها كل يوم

بس عنجد الحمد لله انو انا مغامراتي عم تصير عالطرف الراجع يعني بس وقت ارجع من الكلية

والله راحمني من هداك الطرف اللي بيلعي النفس و بيقرف



بس  والله ماعرفتك يانانون  يعني ضربتي ايدك على الوتر 

بطريقة رائعة جدا



اقتباس
بس مدري ليش ما عدت شفتو..الظاهر اغتالوه..


لا والله آخر يوم بالفحص نطلي ورعبني

     



اقتباس
فشو رأيكن بـ... شارع الثورة؟؟


اسمو شارع الثورة

يعني لازم تعاركي  وتصارعي وتجاهدي

     





تقبلي مروري .........








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


@ SiLVESTER @

عضو ذهبي


- * كُـنْ مـعَ الله .. ولا تُبَـاالـي * -




مسجل منذ: 18-10-2008
عدد المشاركات: 2865
تقييمات العضو: 9
المتابعون: 82

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 05:26 PM




مشكورة نهى ... موضوعك عجبني ... وبجد حسيت بكل كلمة قلتيها .. لأني متلك عم عاني يومياً

أنا بشتغل بالحريقة .. وبجي بجوبر عالثورة .. ومنها عالحريقة ..
وانتي ذكرتي كل شي ماشاء الله ... وماكان طلع بايدي اشرح متلك هالكوارث اللي بيشوفها الواحد هنيك ... بس حبيت ضيف كم نهفة من نهفات البياعين هنيك ..
واحد قرب ياحباب " ساعة عراقية ملبسة بمية دهب ... بس بـ 125 " وبعد شوي بتصير بـ 75 ولسى الأوكزيون لتحت .. وشو ملبسة بمية دهب قال .. 
واحد تاني .. " قرب جرب .. قلم وليزر بقطعة وحدة .. قلم نوع بيغ ( عقول البياع  ) والنهفة بالليرز تبعو ... وبكمل البياع قلم بيغ .. ومعو ليزر بشق الأرض " هههه    .. اي شو ليزر حربي ..
ولا الزئبق الأحمر !!؟

ولما تقطع الجسر ... متل ماقلتي في هادا البياع اللي مشغلي سبيكراتو ومخفية وحدة تحت اللوحة
وببلش وجع الراس .. بس شو بيقرقني .. انو هنيك موقف .. والناس متجمعة .. بس في بالطريق فتحة مجاري .. " ولا فيك تقرب من الموقف .. ولا فيك تبعد " وآآآآآآآآخ    ... نهى حكت الباقي

ومشان هادا ابو المرسوم .. أو اكبر جريمة اليوم .. مرة صرعني فحبيت اقراها .. وشو طلعت جريمة ملطوشة من مجلة بتاريخ 2006 .. هههه

بس متل ماقلتي مابزعل غير عالولاد اللي عالجسر .. والله شي بقطع القلب .. نايمين عالجسر
ومبين الشقى والتعتير عليه .. وهو بزهرة عمرو .. الله يفرج ويعين ..

عذراً عالاطالة ... ومشكورة نهى عالموضوع .. كتير عجبتني اللمحة عن شارع الثورة الموقر
وحاسس لازم ينزلو موضوعك ... بكتالوك السياحة للبلد .. لأنو فيو معلومات حقيقية ...

تحيتي لكِ وللجميــــع ... وناطرين جديدك
وأحلى الشي يكون الجزء التاني ... منطقة البرامكة  





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


منعطف النسيان

عضــو فضـي

الصراع صراع وجود وليس صراع حدود




مسجل منذ: 13-09-2008
عدد المشاركات: 1485
تقييمات العضو: 1
المتابعون: 31

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 05:34 PM




اوو  الله بعينك 


كل يوم بتصير مع هيك مغامرة


تصويرك للواقع  كان رائع جدا


اذا زرت الشام بالمستقبل رح ضل متذكر  اني زور  هالشارع

لانك شوقتينا كتير



منعطف النسيان









ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


الطالبة

جامعـي نشـيط





مسجل منذ: 14-02-2009
عدد المشاركات: 144
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 05:41 PM





اقتباس
وأحلى الشي يكون الجزء التاني ... منطقة البرامكة 




عنجد معكن حق يعني صحيح أنا ما بمرق عادة بشارع الثورة  بس  أنا حاسة بشعوركن لأني بعرف المآسي اللي بتصير بمنطقة البرامكة

   
شكراً كتييييييييييير لإلك              ناطرين جديدك
تحياتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 15

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 05:49 PM




الغالية رؤى..


اقتباس
بس عنجد الحمد لله انو انا مغامراتي عم تصير عالطرف الراجع يعني بس وقت ارجع من الكلية

والله راحمني من هداك الطرف اللي بيلعي النفس و بيقرف

أي والله الله راحمك.. لأنو هدا تبع ال عشر ليرات لحالو أكبر مصيبة...
يعني طرف واحد حاجتك ... لساتك بأول الطريق


اقتباس
بس والله ماعرفتك يانانون يعني ضربتي ايدك على الوتر

بطريقة رائعة جدا

ولو رؤى خانم .. منعجبك نحنا.. نانون مو قليلة


اقتباس
اسمو شارع الثورة

يعني لازم تعاركي وتصارعي وتجاهدي

آآآآآآآآآآآآخ .. يا خوفي بعد هالجهاد نروح فيها.. يعني شهداء.. بس في سبيل شو؟؟ 
مشكورة لمرورك المزوء.. نورتي الموضوع رؤى خانم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 27

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 06:00 PM




هههههههههههههههههههههههههه

اي احمدي ربك أنو كليتنا ما كانت بشارع الثورة...



اقتباس
"جواكيت جلد طبيعي بألف ليرة بس.. قرب يا حباب" بدي افهم شو هالجلد الطبيعي يلي بألف ليرة؟؟



اقتباس
بتمنى قلو هي 100 ليرة بس اسكوووت


هههههههههههههههههههههههههههههههههه

لك و الله حأفرط ضحك...

     





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


.FARES.

عضــو فضـي





مسجل منذ: 14-10-2008
عدد المشاركات: 1346
تقييمات العضو: 0
المتابعون: 7

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 06:13 PM




اي والله معك حق بكل كلمة قلتيها

أنا عانيت من هالشارع طوال المرحلة الثانوية

لأني كنت بالسعادة ودائما وقت ارجع مر من هونيك

هلأ بالنسبة للبياعين هدول صار صوتون طبيعي بالنسبة ألي

بس في لسى شغلات أفظع من هيك

بزمناتي كنت ماشي مع تنين رفقاتي وراجعين عالبيت

ورفيقي الأولاني حامل موبايل رفيقي التاني وعم يقرا فيه

أم وقفنا واحد من هدول بياعين البسطة وصار يسلم علينا ويبتسملنا

وصار يقلو لرفيقي تبيع هالموبايل ب 40 ألف

والموبايل مابيطلع حقو ألف
طبعا هوة فكرو أنو نحنا حنتاخد بالموضوع وناخد ونعطي معو

لا وصارو رفقاتو يوقفو حولينا قال مشان يقنعو لرفيقي

لذلك نصيحة للكل لاحدا ياخد ويعطي مع هيك شكيلات


يسلمو نهى عالموضوع الحلو والمعبر ويلي ذكرنا بأيام الماضي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


Ph..Ruaa

عضــو فضـي

قيمتك قيمة ماأنت مشغول به ...




مسجل منذ: 07-09-2008
عدد المشاركات: 1761
تقييمات العضو: 1
المتابعون: 27

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 06:15 PM





اقتباس
هههههههههههههههههههههههههه

اي احمدي ربك أنو كليتنا ما كانت بشارع الثورة...


وسيم ان كانت او لأ  نحنا كل يوم عم نمر من هالأرنة الفظيعة

احمد ربك ....

انو ماعم تعاني من هالمكان اللي عنجد بيقرف وبيخجل كمان

     





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


طوق الياسمين

عضو ذهبي


يا رب...




مسجل منذ: 11-09-2008
عدد المشاركات: 2853
تقييمات العضو: 36
المتابعون: 105

غير موجود
اشــترك بالتحديثات
رسالة مستعجلة

رد مشاركة : هل مررت يوماً بـ.... شارع الثورة !!!

29-06-2009 06:18 PM




لك شو هاد نهى
وصف و لا أروع 
عن جد حسيت حالي ماشية معك بهالشارع
و بكرا إذا مرقت من هونيك صرت بعرف ثلاث أرباع العالم 

أنا الحمد لله مرتاحة من شارع الثورة
لا بمر عليه لا بالروحة و لا بالرجعة 

شي يوم ببقى بحكي لك على مأساة الدوار الشمالي 



   





ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 7  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة