[x]
مشاركة : 1071
رد مشاركة : بستان الصيدلة...سنة رابعة
14-07-2010 12:10 AM
إي والله عم نندعك متل ما عم ندعك الأواعي بالصابونة أثناء الحمام يلي بالتواليت بس للأمانة تعامل المصاروة معنا كتير محترم وبحبونا كتير أوي وحتى سمعونا مرة عم ننق من الخبز الأسمر الحالتو حالة آم صارو يساوولنا خبز أبيض والبيض صارو يساووه مستوي منيح
مشاركة : 1072
14-07-2010 12:16 AM
ذكرتني بحكي أخواتي عن معسكر التدريب الجامعي....بس هونبك تعتير أكتر وما حدا بيدلل حدا....والحمام بالفلا بس بتعرف قديش كانوا يتعذبوا فيه...لهلأ لبقولوا "رزق الله ع هديك الأيام" وخصوصي المقالب بينهم وبين رفقاتهم فكل هالحكي بكرة بتتذكرو وبتضحك وبتتحسر الله يوفقكم
مشاركة : 1073
14-07-2010 04:35 AM
والله نحنا الشباب آخدين الأمر عادي ممكن بعض البنات لسا لهلأ ما تأقلمو بس يا لطيف قديش الدبان عندهم جئر لك بالزور لحتى تبعد الدبانة عن إيدك أو وشك وبتكون حاطط كاسة الشاي أو النسكافيه آم بتغطس الدبانة بالشاي إي شو هالدبان المفترس وشغلة بتضحك أنو عادي تشوف قطط متجمعة عالزبالة بس أنو تلاقي حمير هي مو شايفها من قبل هو الواحد عادي بيتعود على السكن المتواضع بس بلزقنا مواجه البلكونة بناء حديث بلون حلو ومكيفات وآخر حضارة وبجيبو الوفود الأجنبية بنزلوهم فيه ونحنا بنتفرج ونتحسر
مشاركة : 1074
15-07-2010 12:03 PM
نصيحة لكل طلاب دفعتنا... بنصحكم تشتغلوا بهالصيفية بدفتر الملازمة مع التواقيع و تخلصوا منو هلأ أحسن ما ياخد منا وقت لما نداوم و نكون بحاجة لساعة زيادة و خصوصاً إنو رح يصير فحصنا أسبوعين...
مشاركة : 1075
15-07-2010 06:59 PM
منعمل الدفتر مو مشكلة بس بدك نعرف شو بدنا نكتب فيه مين لسا بيصنع بالصيدلية يعني نكتب اللي بدنا ياه بغض النظر عن العناوين اللي مالها داعي أحسن