سؤال عالهامش لـ(نسرين أوحنان أوMr.Eyadoo  )



هلأ إذا بتتذكرو من فترة لما صار البابيلون يعمل مشاكل ............ شو يلي كان عم يصير بالضبط ؟؟؟؟؟؟؟



لأنو هلأ ما بقى اشتغل الانترنت اكسبلورار عندي ((يعني بيكون متصل ........ بس المستعرض معلق وما بعرف شو بيصير معو كمان!!!!!!!!!)) 

وحتى لما عم اشتغل على الموزيلا فاير فوكس (( متل هلأ)) ما عم اقدر اعمل اقتباس ....................



بقى ما بعرف اذا المشكلة من نسخة  البابيلون ولا شو؟؟!!!! ...............

علما انو هي النسخة يلي اخدتها من نسرين من العطلة بس ما كانت عم تعمل مشاكل



اذا هيك المشكلة يلي كانت عم تصير معكن .............. فياريت تخبروني مشان آخد منكم نسخة بابيلون حديثة



مشكورين

السلام عليكم

ومساء الخير للجميع...

اقتباس

هلأ إذا بتتذكرو من فترة لما صار البابيلون يعمل مشاكل ............ شو يلي كان عم يصير بالضبط ؟؟؟؟؟؟؟

كانت المشكلة عم تصير عند فتح البابيلون مع الانترنت.....

بيقوم الجهاز بيفوت بالحيط...

ما بعرف ليش....

بس مو الكل صارت معه هالمشكله.........أنا نسختي اشتغلت مع النت تمام...

يمكن حسب الباتش.....


بالنسبة للاقتباسات فهي لالكسبلورر تمام...

أما باقي المتصفحات كالأوبرا فيمكن مو متاحة إلا كتابة يدوية.....

يعني قوسين بالأول وقوسين بالآخر و......

والفاير فوكس ما بحبه....

إذا البابيلون شغال منيح مع النت والاكسبلورر عم يعلق يمكن المشكلة من المتصفح..

أما إذا المشكلة مع كل المتصفحات فهالشي يعني أنو البابيلون مضروب أو فيه شي...


=========

يا ريت المشكلة من المستعرض......

المشكلة من النت الزفت......

حتى بطاقة سوا............................تبع الخورفة........بالزور فتحت بعد شي 50 محاولة!!!

كنت عم فوت شوف المشاركات من الموبايل....

بس لقيت في أكشن وكم شغلة لازم تنحكا....

===========

إن شاء الله يكون كلامي مفيد!!!!!

السلام عليكم مرة تانية....


عنجد أنا متفاجئ من هالإقبال الكبير تبع الويكي سيريا.....

وين كنتو متخبيين؟؟

ما كنت بتوقع هيك...............................الحمد لله...

وشكرا لكل من ساهم بالتشجيع والشرح عن المشروع.....

بس لازم ما تكون فورة بعدين نبطل..........فعلا المشروع رائع إذا منتعاون سوا...

اقتباس

طيب شعبة تانية شومشان محاضرة الفيزيا؟؟؟ ............
انتو متذكرين شي اذا الدكتور بيعطي استراحة ولا لاء؟ ................
ياريت تقولولي مشان اذا في استراحة منفركها.............. واذا ما في فما منحضرها من اصلها.............. (( كلو فدى الويكي بيهون))

الدكتور ما بيعطي استراحة بتذكر................بس محاضرته بتخلص عـ 9 وربع أو نص...

يعني بين مايطلعو المشاركين على الدرج  ويجتمعو  بالقاعة ويسلمو على بعض....

يمكن منوصل من أول الورشة...!!!!!

يعني منحضر ومفركها فورا بعد المحاضرة....(ومو ضروري نضل مع الدكتور نص ساعة بعد المحاضرة)

   


أما بالنسبة لمن سيحضر.........

ما بعرف إذا في حدا مسجل.................على كل حال عندي اقتراح.....

ممكن كم طالب يحضرو................وبعدين منعلم بعض(هيك فكرة الورشة) .......

أو إذا كان العدد جيد والمشاركة جدية................

منشوف إذا الآنسة إيمان (المدربة في المشروع) ممكن تعمل جلسة للسنة الأولى تناسب وقتها و أوقات الجميع..

يعني مو شرط يحضرو الكل من أول مرة........

بس رجاء ................خبرونا شو رأيكم ولا تبخلو بالاقتراحات......

وخلينا ننسق مع بعض حت يكون لنا وجودنا.....

   


ودمتم بحفظ الله ورعايته

صباح الخير

وجمعة مباركة للجميع يا رب

للأسف ما عاد في تسجيل متل ما قال حسام

على كلن نحنا معتمدين على يللي سجلو أنو يدرونا شو بدو يصير أو متل ما قالت نسرين يعملولنا جلسات خاصة فينا و أكيد نحنا أو أنا شخصيا ما رح أبخل على حدا ورح علم كل رفقاتي إذ اتعلمت

سلام

سلام
خلص ماشي لكان منحضر فيزيا بعدين منطلع

واذا ما إلنا نصيب نحضر هالمرة فان شاالله مرة تانية (لانو اكيد بتتكرر مهيك؟؟...........لا تقولولي كمان لاء!!!!!)



طيب يعني والله نحناجماعة المنتدى لازم يكون إلنا شوية امتيازات.............. يعني شورأيكن نطلب من شي حدا هيئة(من يلي معنا عالمنتدى) انويسجل اسم طالب واحد سنة اولى عالأقل
((يعني إثبات وجود)):-D


أو إذا بدكن منوصي شي حدا اكيد لح يحضر انو يطرح فكرة انو تصير ورشة لكل سنة اذا في اقبال يعني ممكن يدربونا زملاءنا الاكبربوقت يناسب الكل

عودة سريعة

هالمرة مو للنق.... بس في عندي كم استفسار


?-هلأ أنا بعرف انو الورشة بقاعة المعلوماتية مو بالمكتبة صح؟؟

?-قلتو إنو لما منصير عضو بمجموعة الويكي بيصير فينا نضيف مقال(عن شو؟ يعني السنة الاولى مارح يكون عندن مقال يفيد المختصين مثلا)
أو فينا نعدل مقال (طيب وين حقوق الكاتب بركي تم تعديل بمعلومات خاطئة)



?-يعني بالاخير نحنا بشو منقدر نفيد.......انا فهمت من حكي نسرين انو مهمتنا ترجمة مقالات الويكيبيديا لحتى يقدرو الطلاب العرب يستفيدو بسهولة من هالكنز المليان علم .......صح؟؟؟

اقتباس

هلأ أنا بعرف انو الورشة بقاعة المعلوماتية مو بالمكتبة صح؟؟

صح

اقتباس

قلتو إنو لما منصير عضو بمجموعة الويكي بيصير فينا نضيف مقال(عن شو؟ يعني السنة الاولى مارح يكون عندن مقال يفيد المختصين مثلا)
أو فينا نعدل مقال (طيب وين حقوق الكاتب بركي تم تعديل بمعلومات خاطئة)

نحنا هلأ  هدفنا الرئيسي اغناء المحتوى العربي على الانترنت
عن طريق  الترجمة الى العربية
وفي محركات بتتبع تنسيق مين لاكتشاف الأخطاء
(( كيف الطريقة ما بعرف .. ))

اقتباس

يعني بالاخير نحنا بشو منقدر نفيد.......انا فهمت من حكي نسرين انو مهمتنا ترجمة مقالات الويكيبيديا لحتى يقدرو الطلاب العرب يستفيدو بسهولة من هالكنز المليان علم .......صح؟؟؟

كمان صح

كلام الشباب مظبوط 100% 

بس بدي قلكم معلومة:

الويكي مو شرط تكون مواضيع اختصاصية بحتة.......

يعني فيكن تنزلو مواضيع عم تدرسوها هلق......مثلاً عن الفيزيا أو الفيزيولوجيا أو غيرها وبتتفقوا مثلاً حدا ينزل موضوع والباقي يعدلو ويضيفو عليه........

حتى ممكن تنزلو مواد غير علمية أو غير صيدلانية مثلاً أمور أدبية أو شرح عن أحد الكتب (بعرف أنو في مكان بالويكيبيديا فيع نبذة عن الكتب) أو عن سورية والأماكن السياحية وكل ما يخطر لكم من مواضيع مفيدة.......وممكن متل ما فكرتو أنو ترجمة لمواضيع انكليزية بأي مجال علمي أو غير علمي أو تحطوا ملخص عن المواضيع يللي عم تترجموها بالموسوعة.......وممكن تشوفوا مواضيع موجودة مسبقاً وتعدلوا عليها..


وفي صفحة (ويكي الجامعات السورية) أنشأها د.بشار الجمال وأكيد لازم يكون إلكن حصة فيها:

http://ar.wikipedia.org/wiki/%D9%88%D9%8A%D9%83%D9%8A%D8%A8%D9%8A%D8%AF%D9%8A%D8%A7:%D9%85%D8%B4%D8%A7%D8%B1%D9%8A%D8%B9_%D9%88%D9%8A%D9%83%D9%8A/%D8%A7%D9%84%D8%AC%D8%A7%D9%85%D8%B9%D8%A7%D8%AA_%D8%A7%D9%84%D8%B3%D9%88%D8%B1%D9%8A%D8%A9


أصلاً في فكرة أنو مستقبلاً يعلموا طلاب المدارس على هالتقنية فأكيد نحنا "شبيبة الجامعة" عنا شي خرج ينزل ويفيد ....... لا تستخفوا بأي معلومة عم تاخدوها كلها علم وبتفيد ...

في مقولة بحبها:  (لا تحقرن صغيرة، إن الجبال من الحصى)




وإذا لقيت وقت بيناسبني إذا بدكن بقترح درّبكن بكم جلسة لما أتدرب منيح إذا هالأوقات ما ناسبتكن ....... أو إذا بترتاحوا مع بعض أكتر، لما حدا منكن يتدرب بيدرب الباقيين.... يعني ما رح تنفدوا وإلا ما يجيكن دور


بس متل ما سبق وقلت: لازم تتفقوا على أوقات تناسبكن جميعاً...




أعتذر على الإطالة وعلى تدخلي بأموركن ....

السلام عليكم:

شكرا كتير نسرين والله عم نعزبك معنا.........

اقتباس

أعتذر على الإطالة وعلى تدخلي بأموركن ....

الله يسامحك ال تدخل بالعكس كل ما بشوفك كاتبة شغلة دغري بقراها لاني بعتبرك متل اختي الكبيرة............


سنة اولى حدا سجل فيكم انا بالنسبة الي اليوم الصبح لحتى شفت انكم عم تحكو عن التسجيل ام انجلط.......................عنجد كتير حابة احضر وحابة اتعلم  عن كل شي جديد ومتل ما قالت نسرين مابدي كون متلي متل المئات يلي عم يتخرجو ومايتركو بصمة او شي مميز بعدهم..............


                                            والسلام عليكم ورحمة الله وبركاته

شكراً إلك the genius  بس ما بدي تقل عليكن...


ومشان سؤال starry-eyed  أنو بيجوز حدا يعدل خطأ

صح مشكلة التعديل موجودة ..... بس بالويكيبيديا أما بالغوغل نول (مصدر مفتوح متل الويكيبيديا) ما في تعديل إلا بإذن الكاتب وما بعرف إذا موسوعة المعرفة نفس المبدأ........فهالأمور عم يدرسوها جماعة مشروع الويكي ورح يختاروا المكان الأمثل لإكمال المشروع.......بس هلق نحنا منتعلم ومنزل وين ما كان المهم نبدا بشي....


كمان بالويكيبيديا صح في الكل يعدل بس بتاريخ الصفحة بتعرفي كل حدا عدل ولو نقطة وبتعرفي شو عدل وبتقارني بين التعديلات.....

وإذا بدكن تعلموا بعض الأساسيات من هالموضوع من الآن:

http://pha.jamaa.net/art255995.html



وجربوا عدلوا أخطاء إملائية مثلاً ببعض المقالات وجربوا التعديلات بساحة التجربة (هي ساحة بتجربوا فيها شو ما بدكن بدون ما تخربوا المقال يللي عم تعدلوه أو تنزلوا مقال جديد)



كمان نزل د.بشار قبل الاجتماع بالمعلوماتية موضوع تعريفي عن الويكي :

https://www.jamaa.net/art255674.html





موفقين