[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         الساحة الجماعية لطلاب الصيدلة (جميع السنوات)       آخر رد : ....{SalaM}....  ]        تداخل دوائي خطير ممكن ان يكون قاتل       آخر رد : *ZAID*  ]        صيدلي....ماذا فعلت بعد التخرج؟       آخر رد : ....{SalaM}....  ]        لجوء أو ماذا       آخر رد : phmab  ]        الديلتيازيم و دعم التوافر الحيوي للسيكلوسبورين       آخر رد : pharm bites  ]        لمة عيلة الصيدلة بعد الغياب       آخر رد : ....{SalaM}....  ]        بتبقى ذكرى ما بتنتسى..       آخر رد : ....{SalaM}....  ]        ساحة الخريجين.....صيدلة       آخر رد : iron_man  ]        سنة ثالثة صيدله       آخر رد : ..3>..  ]        ...معلومة عالماشي يا صيدلي...       آخر رد : ..3>..  ]        طبختنا لليوم :)       آخر رد : ....{SalaM}....  ]        شعورك بآية "صحيحة"       آخر رد : ....{SalaM}....  ]        عش كيمياء الدواء       آخر رد : ....{SalaM}....  ]        لنرسم لوحة فنية معاً...       آخر رد : نور الهداية  ]        مشروع ترجمة موسوعة التكنولوجيا الصيدلية الجماعي...       آخر رد : نور الهداية  ]        للصيادلة الفضوليين فقط.......       آخر رد : phmab  ]        .::صورة... وبيت::.       آخر رد : phmab  ]        ♥♥♥مساعدة خطيرة وضرورية و اخوية♥♥♥       آخر رد : ..3>..  ]        مطلوب شهادة صيدلة       آخر رد : **فراشة الحب**  ]        كلية الصيدلة...السنة الرابعة.......الفصل الأول...دليل الطالب       آخر رد : مصطفى..............ح  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث 29-11-2017



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الصيدلة



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> منتـدى المشاريـع و الأفكار الإبـداعيـة --> منتدى المشاريع و الأفكار الإبداعية
    الأسلام ينادي...هل من مجيب
عنوان البريد :  
كلمة المرور :  
                    تسجيل جـديد


صفحة 2 من 4 <- 1 2 3 4->

مشاركة : 11


غريبة

جامعـي مشــارك





مسجل منذ: 06-05-2010
عدد المشاركات: 53
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

30-08-2010 01:57 AM




السلام عليكم ورحمة الله ..

سامحك الله يا أختي .. أوتقارنيننا بالصحابة وبسيدنا أبي بكر !!

ومؤكد أنني لم أقصد أنه يجب على الإنسان أن يكون كاملاً حتى يستطيع أن يدعو الناس .. فهذا أمر مستحيل وإلا لكان كل واحد منا جلس وأغلق على نفسه الباب واعتزل الناس ..

وأنا لم أعارض فكرة دعوة الناس في بلاد الغرب فإذا سنحت الفرصة لذلك فلا مانع .. ولكن يجب أن يكون همنا الأول هو المجتمع الذي نعيش فيه لأنه نقطة الانطلاق ولا ننشغل بذلك عن هذا ، ولا تنسي الأقربون أولى بالمعروف .. 

وأعلم أن النية تقلب الإنسان رأساً على عقب ولكن الأمر ليس بهذه البساطة .. فزرع هذه الفكرة بمفردها يحتاج إلى جهد كبير خاصة عند النظر إلى الأنماط الموجودة .. اللهم إلا ماشاء الله له ذلك بسبب اختلاف الظروف .. وقيسي هذا على نفسك كما أنا قسته على نفسي ..

لا أعلم إذا فهمت قصدي تماماً من هذا الكلام .. فقد أحسست أن فيه شيئاً من الغموض .. وأعتذر إن كنت قد قارنتك بنفسي ولكن أحسست أن هناك وجهاً من التشابه .. وإن كان لا يوجد ذلك فعذراً ..

على كل حال يبدو أنني لم أستطع إيصال الفكرة على المراد الذي أردته ..

ولكني سررت جداً بهذا النقاش لعدة أسباب لا داعي لذكرها بسبب الإطالة ..

المهم أن هذه الفكرة موجودة في عقولنا .. وأرشدنا الله إلى الحكمة وإلى استخدامها بالشكل الصحيح ..

الهم اجعلنا ممن أحببتهم فاستعملتهم ..

عندي كلام كثير أرغب في قوله (بس يمكن داق خلقكم) ولذلك السلام عليكم ورحمة الله ..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 12


Black Angel..

جامعـي نشـيط





مسجل منذ: 21-08-2010
عدد المشاركات: 190
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

30-08-2010 03:59 AM




الله يسامحك يا غريبة
إذاعم نتنقاش مع بعضنا والهدف واحد بدنا نمل من نقاش بعض فكيف إذا بدنا نتناقش مع ناس عندن غير هدف

بالعكس نحن كتير مبسوطين بالنقاش وبيهمنا رأيك كتير وحتى الشئ يلي طرحتي بإصلاح أنفسنا نحن بدنا نتناقش فيه ونطرح أفكار حتى نصلح حالنا بالأول وبعدين القراب منا

نور الهدى بالنسبة لما الواحد بينحط
بموقف فيه مسؤلية بيتغير فهي أنا جربتا
بصراحة أنا عشت بمدرسة مختلطة وكنا بس 8 بنات 7 مسيحية وبس أنا مسلمة
والمجتمع بشكل عام هو مسيحي وليس مسلم كما الحال بالشام(عم أحكي عن القامشلي)
المهم أنو هالبنات يمكن أنا أول بنت مسلمة بيعاشروها بشكل فعلي لأنو للأسف عنا هون أحزاب  يعني في تعامل بين الطوائف(الطوائف للأسف مو بس إسلام ومسيحية هنن عرب وأكراد وسريان وأرمن وآشورية)  بس ما في تقارب وتعامل فعلي بين الطوائف متل الشام
المهم أنو أنا صرت حس حالي قدام هالبنات  أني مسؤلة عن كل كلمة بقولا وكل تصرف بتصرفو وكمان صرت ألجأ أكتر للقرآن لشوف كيف لازم دافع عن ديني يا ترا بالهجوم ولا بالعياط ولا  بالنقاش  ولقيت الحل أنو قابلهن بالتي هي أحسن يعني المعاملة الطيبة وصدقيني ضليت سنتين كل ما يسيؤلي صير أحسن معهن لحد ما أجا الوقت
وقسما بالله العظيم ما بزل عليكي بحرف أنو كلن أعترفو أنو غلطو بحقي وقالو أني كنت دايما أحسن منن
وحتى قالوا أنو هنن 7 عبرو عن دينن بشكل خاطئ وأنا وحدة قدرت أفرض عليهن  أحترامي وعبر عن ديني بشكل صح(وصدقيني حتى أنا  تغيرت وصرت أتعامل مع الناس بشكل أحسن وإذا بدك هلأ بشكر ربي ألف مرة أنو صابني بهالمحنة وخلاني أقوى وأتعلم وكنت دائما وكل أمري لله و صدقيني ما حسيت ولا بلحظة خلال هالسنتين أني ضعيفة وهاد بفضل الله)
أنا ما بقلك أني بطلة من هاد الزمن وصدقي أنو ما حدا أسلم ع أيدي بس أنا غيرت وجهة بنات كتير  بالمسلمين و عفكرة الحق مو عليهن الحق ع المسلمين يلي عنا  ويلي عم يتصرفو تصرفات لا بتنزل لا بميزان ولا بقبان(أكيد مو كلن ولا حتى كل المسيحية ما بيتقبلو)وحتى في كتير بنات مسلمين نقدوني لأني  بتصرف منيح معن وبحاكيهن وبتعامل معن(عفكرة لو كان العكس ووحدة مسيحية و7 إسلام كانو أغلب المسلمين ظلموها وكرهوها بالدين أكتر  يعني قلتلك ما بينلامو)

وعلى فكرة (غريبة) سألت سؤال هل أسلمت دمشق
أكيد لأ بس ثقي تماما أنو  دمشق بمليون أو بمليار خير لأنو هنيك إذا بتركبي بباص نقل ما بتسألي مين صاحبو بس هون الله وكيلك  (بشكل عام)  كل طائفة بتتعامل مع  طائفتها وبس يعني محل مسيحي 90 % إسلام ما بيفوتو ونفس الشئ مع كل الطوائف

وفي فكرة كتير  مزبوطة قالتها نور الهداية أنو نحن بدنا نحكي مع التائهين والغافلين وليس الملحدين
وأساسا متل هيك ناس ملحدين  ما لازم نخاف منن  ونوقف كل مشاريعنا خوفا من أنو نلاقيهن  لأنو هيك من كون  وصلناهن  ليلي بدهن ياه  وهنن بيخافو أكتر منا لأنو بيعرفو منيح أنو  الله مع الحق فما لازم نشيلهن من أرضهن حتى

ومن الأفكار يلي أنطرحت لهلأ وبظن بتستاهل نقاش

نظرة الغرب للإسلام حاليا

الأسباب التي دفعت الغرب للتحرك الفعلي لفهم العرب والمسلمين على حقيقتهم(وأنا برأيي الجواب الظروف السياسية وقوة الإسلام والعرب وخاصة في لبنان الشيخ حسن نصر الله أدامه الله لنصرة دينه هو العامل الأساسي الذي فتح أعين الغرب على الإسلام)

وكمان نقطة كتير هامة طرحتها غريبة(وبرأيي وبدون مجاملة هي الأهم)
الإصلاح الداخلي
وسؤال كمان بحب أسألو

جامعة دمشق لها اسم عريق في جميع الدول العربية والغربية
يا ترى شو عملت  الجامعة للإسلام وللعرب وحتى للعالم يا ترى هي ساعدت بشئ في أي مجال
ومتل ما قلتي غريبة الواحد بيبلش من النواة ونواة الجامعة هنن الطلاب وليس المسؤلين يعني إذا بدنا نعمل شئ فمنبلش من أصغر واحد فينا بس لازمنا شوية ثقة بالنفس

شكرا لجميع المشاركات وبتمنا تعذروني عالإطالة بس أنا مبسوطة كتير بالنقاش مع ناس جمعو  بين الإيمان والتوكل على الله و العلم والجرأة والتحدي ....

والسلام عليكم والصلاة على خاتم الأنبياء والمرسلين





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 13


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

30-08-2010 09:41 AM





طيب شو رأيكن ..هالنقاش الظريف ننهيه هلأ..ونحط الأمور الرئيسية يلي بدنا نناقشها.. مع الغرب.
ووين..
وكيف..
يلا أعطونا أفكار عملية..

ولا تروحو لبعدي كتير وتقول سيدنا أبو بكر..فوتو عاليوتيوب بتلاقو أجانب واحد بقلك ..أنا مسلم منذ شهر وأردت أن أكلمكم عن الإسلام!!!!!!!!!!!
ونحن مسلمون من متى بالضبط؟؟؟؟؟؟

والله هيك ناس هي الوحيدة يلي رح تعطيكن عزم وهمة للدعوة صدقوني..

إذا بدن نستنى دمشق لتسلم!!!!! مستحيل نقدر نتحرك ونتقدم..
يلا باشروا بالعمل والأفكار





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 14


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3844
تقييمات العضو: 235
المتابعون: 38

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

30-08-2010 10:49 AM




السلام عليكم
                                                                       
فكرة حلوة
                                                                             
طيب في مواقع معينة فيها نقاش حول هي الأمور





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 15


Black Angel..

جامعـي نشـيط





مسجل منذ: 21-08-2010
عدد المشاركات: 190
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

31-08-2010 03:15 AM




والله يا شيماء عم تحكي درر ؟صار لازم ننتقل للمجال العملي
طيب أنا بقترح أنو تسألي حدا من الأجانب المسلمين يلي بتحاكين عن شي موقع أجنبي مشهور لشي جامعة (مثلا)ونعرف منو إذا كان في أمكانية أنو نساويلنا  شي ساحة بهالموقع وهيك منكون بلشنا بأول وأهم خطوة

طبعا أكيد ما عم قول شيماء وبس أنا بتمنى أي شخص بيطلع بإيدو يساوي هالشئ يساهم لأنو بصراحة أنا من أسبوعين بس بلشت أستخدم النت يعني بحياتي
ما فتت لموقع أجنبي ولا شفت الفيس بوك ولا اليوتيوب

وأنا بحب نوه لشغلة أنو إذا نحن بلشنا بالمجال العملي وزبطت معنا كان بها
أما إذا ما زبطت ما منكون خسرنا شئ وبظن أنو رب العالمين ما بينسانا من الأجر لأنو نحن جاهدنا بحسب قدراتنا والنية كانت خالصة لوجه الله وبتعرفو أنو الأجر بعشر أضعافه في رمضان

وبتمنى يا شباب تساعدونا شوي يعني أنا توقعت هيك موضوع يدعموالشباب أكتر من البنات لأنو علاقاتن الخارجية أوسع.

النقاط الأساسية برأيي

أول شئ نتواصل مع الإسلام بالغرب ونكون أيد وحدة لأنو هنن بحاجتنا حتى نناقشن بالدين ونعرفن بكبار الدين عنا حتى يتواصلو معن مثل النابلسي(أنا بموت فيه) وكمان
نحن بحاجتهن حتى نفهم طبيعة الوسط عندن وهنن حيساعدونا بنشر الأفكار يلي بدنا نوصلها للوسط المحيط بهم
يعني نكون أيد وحدة معن ,ناخد منن ونعطيهن,وهي بالمصطلح الإسلامي اسمها الأخوة بالله وأنتو بتعرفو  قيمتها عند رب العالمين و كيف رب العالمين بيدعم هيك أخوة وهيك تعاملات بين البشر,يعني ما علينا غير نخلص النية بالله والتيسير لحالو بيجي من عند الله تعالى 

والقاعدة الأساسية يلي لازم نتبعها بالنقاش(برأيي)
هي الهدوء بالنقاش وما نهاجم حدا وتقبل الرأي الآخر بكل أنواع الأحترام لأنو نحن بدنا نعبرلن عن دينا بشكل صحيح بالتعامل الطيب أولا وبس يشوفو تعامل طيب منا وتقبل لجميع الأفكار والأراء بيصيرو هنن لحالن يركضو حتى يناقشونا ويصيرو هنن يسألونا عن دينا ويحاولو يفهمو يعني بيصيرو يجو لعنا بدل ما نحن نركض وراهن

متل تماما إذا شخص أذيتو قام أجى هو رد عنكن أذى معين
أكبد لح تركضو وراه لتفهمو منو ليش هيك ساوى ولح تخجلو من حالكن ولح تحاولو تراضو ولح يكبر بعينكن

بعرف أني عم كتر حكي بس هدفي أرفع معنوياتكن وخلي الثقة بالنفس عالية لأنو هي سلاح كتير مهم

أمنية أخيرة أنو هالعدد الكبير من الأشخاص يلي عم يزورو الموقع يشاركو ولو حتى برأي أو مشاركة للدعم أو التوجيه أو أي شئ

ويلي عندو أفكار غير يلي طرحتها ينورنا

     





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 16


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

04-09-2010 11:20 AM





اقتباس
طيب أنا بقترح أنو تسألي حدا من الأجانب المسلمين يلي بتحاكين عن شي موقع أجنبي مشهور لشي جامعة (مثلا)ونعرف منو إذا كان في أمكانية أنو نساويلنا  شي ساحة بهالموقع وهيك منكون بلشنا بأول وأهم خطوة


السلام عليكم مرة أخرى..

ما سألت والله الأجانب لكن دورت بين مواقع الجامعات..
ولقيت منتديات لجامعة لندن..ممكن نشارك فيها بس عالخفيف يعني..

اتفضلوا الرابط
http://www.londonstudent.co.uk/forums/forumdisplay.php?s=42c4300d51bb5d27705740b688e50b5d&f=1

طبعا هاد القسم العام من المنتدى





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 17


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

06-09-2010 09:09 AM




شو قلتوا ياجماعة..

هاي الموقع جاهز..
بدنا نخطط بس شو نحط مواضيع..
وكيف نبدأ وشو الأمور الأاسية المهم يعرفوها..

أنا عندي كم فكرة بس حابة شوف أفكاركم أول..

سلامي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 18


Black Angel..

جامعـي نشـيط





مسجل منذ: 21-08-2010
عدد المشاركات: 190
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

06-09-2010 10:57 AM





اقتباس
شو قلتوا ياجماعة..


عن أي جماعة عم تحكي كلو فركها وتركنا لحالنا نشتغل
بصراحة كان لازم حط الموضوع ضمن لكم في رسول الله اسوة حسنة أكيد كانت لح تكون المشاركات أكتر وخاصة أنو بيلزمنا دعم طلاب أدب أنكليزي وطلاب شريعة والكل طبعا بس والله ما كنت بعرف بكل المنتديات التانية ما كنت بعرف غير منتدى كلية الصيدلةلما ضفت هالموضوع .بكل الأحوال إذا في إمكانية لنقلو لهديك الساحة أنا ما بعرف وأرجو المساعدة

اقتباس
هاي الموقع جاهز

الله يعطيكي الف عافية



اقتباس
وكيف نبدأ


أنا بقترح نبدأ معهن عالفكرة التالية
طلاب جامعة دمشق يرغبون بالتواصل الفكري مع طلاب جامعة....


اقتباس
وشو الأمور الأاسية المهم يعرفوها


أول شئ لازم يفهمو أنو نحن شعب قابل للنقاش بحرية ونحن ألنا معتقدات ومبادئ لازم يحترموها متل ما منحترم مبادئهن وما يستهزؤو فيها
وهالنقطة أنا بفضل تكون شرط لصالحنا حتى نتناقش معهن لأنو من جهة لما منفوت بشرط(حق طبعا)لح يحسونا فايتين بقوة مو تطفل

أما الأشياء الأساسية(برأيي) يلي لازم يفهموها فهي شغلات بسيطة وما بدها كتير تبحربالدين
يعني :1_نناقشهم بالفكرة يلي آخدينا عنا بأننا إرهاب
2_في شي دائما بيحبو يناقشونا فيه ويفهمو فكرتو وهو الحجاب.
3_كمان شئ بيحبو يناقشونا فيه وهو تحرر المرأة العربية.
4_ونناقشهم بالتقدم العلمي الذي يمتلكوه ونفتقده نحن والأخلاق التي يفقدوها ونمتلكها نحن.(بشكل نسبي طبعا)

يعني أنا برأيي إذا بلشنا بهيك مواضيع هامة وبسيطة في آن واحد لح نحصل النقاط التالية

أول شئ متعة النقاش للطرفين لأنو هي المواضيع بتستهوي أي مراهق حتى من غير دين
2_بتعطينا فرصة أنو نتعرف عطريقة تفكيرهن  وطريقة الوصول الأسهل للتفاهم معهم قبل الدخول في الأمور الجوهرية للدين
3_ هي الأمور كلها انطرحت للنقاش كتير عنا بالمنتدى وعنا خبرة نوعا ما بالأسئلة والاستفسارات يلي بتنطرح وهيك بيكون سهل عالكل أنو يشارك ويناقش برياحة ودون خوف أنو عبر عن الإسلام غلط وأحمل مسؤلية (وما بعرف شو في حواجز تانية من حطها بإيدينا) لأنو ببساطة هي المواضيع نقاشها بيدور حول الأخلاق بشكل عام (وليس التوحيد والأمور الأساسية الأختلافية الاخرى)والاخلاق معترف عليها بكل مكان يعني حتى يلي ما عندو دين عندو كثير من الأخلاق

المهم إذا الله قدرنا ووصلنا لهيك مرحلة وصارو يعملو لرأينا حساب وقتها من بلش نفوت عالمضمون للدعوة لفهم الدين ع حقيقتو

أنا أسفة ع الإطالة بعرف أنو طريقة الطرح كانت سيئة والأفكار مشتتة يعني بس والله بذلت جهدي لوصللكن رأي وبظن وصلتكن الفكرة
وأنا بانتظار أفكار أخرى(أو بالأحرى أنا وشيماء بانتظار أفكار )


اقتباس
أنا عندي كم فكرة بس حابة شوف أفكاركم أول..


بالانتظار  وخدي راحتك بس تشوفي وقت مناسب فوتي فوتتك





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 19


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

06-09-2010 11:04 AM






هلأ برأي..لما نبلش ..ما نفوت ومرحبا نحنا طلاب وحابين تنواصل ورح نحكيلكن عن الحجاب ولا الإرهاب..

برأي ومن تجربة بمواقع تانية الأفضل نقول..
مرحبا نحنا طلاب من جامعة فلانية وحابين نعرف إنتو شو بتعرفو عن الإسلام؟؟

بصيرو هنن يحكو..وما منطلع نحنا يلي بدنا نحكي وهنن يسمعو وبس..

وهيك بصير الشاطر يلي بقلك شو بيعرف عن الإسلام ووقتها منعرف شو نحكي وشو المواضيع المهمة..

شو رأيك (لحالك)! هههه





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 20


Black Angel..

جامعـي نشـيط





مسجل منذ: 21-08-2010
عدد المشاركات: 190
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : الأسلام ينادي...هل من مجيب

07-09-2010 04:15 AM




أي كمان فكرة حلوة
يعني متل ما قلتي عندك  خبرة مو متل حكايتي


اقتباس
شو رأيك (لحالك)! هههه


اي والله لحاليبامتياز
بس هيك صعب كتير تظبط القصة
بس ما فهمت إذا في مجال لنقل الموضوع لمنتدى لكم في رسول الله إسوة حسنة
بلكي في ناس هنيك بيشاركو

سؤال شوي غبي

هلأ نحن أجباري بدنا نحكي انكليزي يعني أنا بترغل بالعربي ترغلة بس بالأنكليزي .....    





ملتقى طلاب جامعة دمشق




أنت غير مسجل لدينا.. يمكنك التسجيل الآن.

التعليق باستخدام الفيسبوك
صفحة 2 من 4 <- 1 2 3 4->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة