[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         الساحة الجماعية لطلاب الصيدلة (جميع السنوات)       آخر رد : *Hope*  ]        تداخل دوائي خطير ممكن ان يكون قاتل       آخر رد : *ZAID*  ]        صيدلي....ماذا فعلت بعد التخرج؟       آخر رد : ....{SalaM}....  ]        لجوء أو ماذا       آخر رد : phmab  ]        الديلتيازيم و دعم التوافر الحيوي للسيكلوسبورين       آخر رد : pharm bites  ]        لمة عيلة الصيدلة بعد الغياب       آخر رد : ....{SalaM}....  ]        بتبقى ذكرى ما بتنتسى..       آخر رد : ....{SalaM}....  ]        ساحة الخريجين.....صيدلة       آخر رد : iron_man  ]        سنة ثالثة صيدله       آخر رد : ..3>..  ]        ...معلومة عالماشي يا صيدلي...       آخر رد : ..3>..  ]        طبختنا لليوم :)       آخر رد : ....{SalaM}....  ]        شعورك بآية "صحيحة"       آخر رد : ....{SalaM}....  ]        عش كيمياء الدواء       آخر رد : ....{SalaM}....  ]        لنرسم لوحة فنية معاً...       آخر رد : نور الهداية  ]        مشروع ترجمة موسوعة التكنولوجيا الصيدلية الجماعي...       آخر رد : نور الهداية  ]        للصيادلة الفضوليين فقط.......       آخر رد : phmab  ]        .::صورة... وبيت::.       آخر رد : phmab  ]        ♥♥♥مساعدة خطيرة وضرورية و اخوية♥♥♥       آخر رد : ..3>..  ]        مطلوب شهادة صيدلة       آخر رد : **فراشة الحب**  ]        كلية الصيدلة...السنة الرابعة.......الفصل الأول...دليل الطالب       آخر رد : مصطفى..............ح  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث اليوم . 02:02 PM



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الصيدلة



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الأقسام العامة ساحة كلية الصيدلة --> القـــســــم العــــام
    قال شووو؟؟ إذا صرت صيدلانية رح يخطفوني!!!!! انصحوني
عنوان البريد :  
كلمة المرور :  
                    تسجيل جـديد


صفحة 1 من 6  1 2 3->

.قال شووو؟؟ إذا صرت صيدلانية رح يخطفوني!!!!! انصحوني


..3>..

عضــو فضـي

البسمة بالبسمة ؛؛ و البادي أجمل :-)




مسجل منذ: 28-04-2011
عدد المشاركات: 1434
تقييمات العضو: 415
المتابعون: 71

غير موجود
اشــترك بالتحديثات
رسالة مستعجلة

قال شووو؟؟ إذا صرت صيدلانية رح يخطفوني!!!!! انصحوني

10-09-2011 09:42 PM




السلام عليكم,,
بصراحة حطيت العنوان شوي استفزازي لاكسب مرور أكبر عدد من الأعضاء,,,
خلال نقاشي مع عدة أشخاص مثقفين ,,,
و كبااار"يعني مو رفقاتي"


كتير منهن رفض عمل البنت بالصيدلية,,
لأنو رح تكون لحالها,, و ممكن يدخل رجل لحاله,,, و,,,ووووو,,وووو "بتعرفو شو بيقولو"

و من فكرة كمان انو رح يصير اختلاط,,
و هاد شي محرم بالاسلام,,


 

و كتير ناس قالولي
"منخاف عليكي"


مع اني بلاقي مية ميزة للبنت بهالمجال,,
بيبعدها عن الاختلاط..

و لما بحثت بالنت بهالموضوع,, لقيت نصوص كتير و اخترت لكن,,"



رفضت هيئة الأمر بالمعروف والنهي عن المنكر في منطقة مكة المكرمة ما أعلنه المدير العام للشؤون الصحية في المنطقة الدكتور خالد ظفر، عن إمكان عمل الفتيات السعوديات في الصيدليات العامة، طالما أن النظام لا يمنعهن من ممارسة تلك المهنة، وهو الأمر الذي نفاه مدير صحة جدة الدكتور سامي باداود، مؤكداً أن النظام التجاري الحالي في السعودية لا يسمح بعمل المرأة في المحال التجارية، إلا في استثناءات محدودة ومعروفة مسبقاً.

وأكدت هيئة الأمر بالمعروف رفضها للأمر جملة وتفصيلاً، وقال مسؤول فيها (فضل عدم ذكر اسمه) لـ«الحياة»: «إن الفتوى التي أصدرتها هيئة كبار العلماء في هذا الخصوص نصت على منع أي عمل للمرأة يحدث فيه اختلاط بين الجنسين، أو حتى يخشى منه أن يؤدي إلى الاختلاط، واستثنت السماح بعمل المرأة في حال الالتزام بضوابط شرعية معروفة ومحددة تحكم هذا الأمر، كأن تكون المنشأة المراد العمل داخلها مخصصة للمرأة وحدها، أو أن يكون من يعمل فيها مروراً بزبائنها وروادها إلى مديريها وجميع طاقمها نساءً فقط، فهنا يمكن السماح بعمل المرأة، أما غير ذلك فإنه لا يجوز أبداً، وهو محرم شرعاً».

وأضاف المصدر: «الفتوى واضحة وصريحة ولا تحتاج الى تأويل أو تحريف، إضافة إلى أن قرارات المقام السامي واضحة كذلك في هذا الشأن، وصدرت مراراً وتكراراً قرارات مبلغة إلى الجهات الحكومية والقطاعات الخاصة تؤكد منع عمل المرأة في أي من القطاعات التي قد يحدث فيها اختلاط بين الجنسين، وتحت أي ظرف كان».



شو رأيكن,,
لو سمحتو انصحوني,,و كل واحد يعتبر انو بنته أو أخته أو زوجته صيدلانية,,
شو رح يكون موقفه,,


رجا بلا انتقاد للرأي الآخر,,
كل واحد يبدي رأيه,,,

و بانتظار نصائحكن,,,
على أحرررررررررررررررررررررررررررررررررررررر
من الجمر



احترت كتييير







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


BlackTulip

جامعـي مبـدعـ





مسجل منذ: 14-12-2010
عدد المشاركات: 494
تقييمات العضو: 48
المتابعون: 10

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:20 PM




high school girl...

انت بموضوعك طرحت فكرتين :
أولاً: فكرة " الخطف " ..
بعتقد بتقصدي فيها المدايئات يلي بتجي ع الصيدلية من " زباين " كتير حبابين ,, بدهم شي " دوا" ممنوع صرفه من دون وصفة و الصيدلانية بترفض تعطيه ,, بيصير الحباب بدو يستوطي حيطها ... و الخ ...
هلأ أنا شخصيا صار معي هالشي .. و تهددت بالمشرمحي اذا ما بعطيه الدوا يلي بدو ياه يا ويل ويلي ... بس الله قدر ولطف .. فات مريض ع الصيدلية و عمل معه اللازم للمشكلجي و قلعوا لبره ...
و بعدين اكتشفت انو هالشغلة عادي    و كتير من رفئاتي صاير معهم هالشي ..
فالوحدة لازم تكون أد حالها و ما تخاف ..
( ملاحظة هالشغلة مو كتير منتشرة .. ممكن يوميا يجوا " زباين " حبابين و يطلبوا أدوية ما بتنصرف .. بس نادرا ما يجي واحد يقابح و يطلع العين الحمرا .. فيعني لا تخافي بكرة بتعرفي كيف تتصرفي مع هيك عالم  )
بعتقد انو الشغلة بتصير بتخوف اذا كانت الصيدلية بمنطقة نائية أو بالضواحي أو ممكن تناوب بالليل .. و ساعتها ممكن تتفق الصيدلانية مع شي محل جنبها على إشارة مثلا لحتى وقت الحاجة يجي يشوف شغله ( بعرف صيدلية في عندها جرس موصول بينها و بين سوبر ماركت جنبها ) ...

بس انت خليك قوية و لا تحملي الشغلة أكتر من همها .. عادي حبيبتي



ثانياً: تكلمت عن فكرة الاختلاط ..
و أحضرت شاهدا من المملكة العربية السعودية .. لا أعتقد ان  كلامهم ينطبق علينا تماما  لانو نحنا عندنا طبيعة البلد و الناس و الجو مختلفة تماما ....
و بالعكس .. أظن انو مهنة الصيدلة من بين المهن و الوظائف التي تعمل بها المرأة في بلادنا من أقل المهن اختلاطا ( و ليس تعاملاً) مع الرجال ..
و بالنهاية انا لست في موقع الفتوى فلهذا المجال أهله ...
و لكن طالما ان المرأة لا تقوم بشيء خاطئ على العكس هي تمارس علمها الذي تعلمته و تنفع به من حولها .. مع محافظتها على أدبهاو أخلاقها .. فأين المشكلة في ذلك ؟؟؟

تقبلي مروري ...
و عذرا على الإطالة 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


golden pill

عضو ذهبي


~* اغتنم خمساً قبل خمس *~




مسجل منذ: 11-02-2009
عدد المشاركات: 2456
تقييمات العضو: 102
المتابعون: 10

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:25 PM




كنت فكر أنو هالحكي مالو أهمية والبنات بهالعصر قد حالهم


بس لما قعدت بصيدلية لحالي لقيت أنو فعلاً في ناس بيتقصدوا الصيدلية لأنو فيها بنت بتداوم.........وكتير بعرف صيدلانيات صارت معهم قصص كانوا رح يروحوا فيها بسبب القعدة لحالهم بالصيدلية


فأخدت قرار أني ما أقعد لحالي بأي صيدلية إلا إذا كان حدا معي أو بمركز صحي أو إذا صيدلية جانب بيتي بحيث يكون الجيران معارفي وفيني أطلب مساعدة بأي لحظة منهم أو حدا من أهلي يكون معي مع وجود احتياطات كالكاميرات


الشغلة مو سهلة ولا خرج بنات لأنو بمجتمعنا في شريحة (ومنهم نساء كمان) ما منقدر عليهم


فالموضوع ما بعرف حلال أو حرام........بس لقيت عن تجربة أنو غير مناسب

لكن الحمد لله في مجالات تانية ممكن الوحدة تشتغل فيها بهالحالة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


بلسم الآلام

عضــو فضـي

كن جميلا ً ترى الوجود جميلا....




مسجل منذ: 14-11-2008
عدد المشاركات: 1112
تقييمات العضو: 21
المتابعون: 13

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:35 PM




مساالخير

هلأ أول شي بصراحة عنوان موضوعك خلاني اضحك   

ثانيا:
شوفي حبيبتي مهنة الصيدلة مهنة حلوة للبنت ومريحة ولكن بأي مهنة ممكن يمر شي ولوبسيط يكون مزعج
يعني انا بكل30 مريض يادوب يطلعلك واحد أو ممكن وحدة بيكونو مزعجين هادا الحكي عم احكيه من خلال ممارستي للمهنة يعني شي شايفتو بعيني

وأهم شي انها تكون الصيدلانية أد حالها وبتعرف تتصرف وتتوكل على الله وتطلب من الله التيسير  وانتي فيكي بالفترة الأولى للعمل بصيدلية تحطي معك شي حدا من أهلك لبين ماتاخدي عالجو وتعتادي وتقدري تقعدي لحالك بالصيدلية

أما مشان قصة الاختلاط
  نحنابالصيدليةماعم نقعد نفتح أحاديث وقصص  مع الطرف الآخر يعني عم يفوت لعندك الزبون مرضان عايف حالو أو بس بدو يجيب الدوا ويخلص
اما اذا فات لعندك شي واحد حسيته ليطأ حنك فهون انتي بدك تكوني قوية وأد حالك وتعرفي توقفيه عند حدو وتألعيه وحاولي انتي ماتقعدي المسا لحالك واذا بدك تكوني المسا بالصيدلية يكون معك حدا من أهلك أو رفقاتك
بس بصراحة والله انا مابعرف اذا حلال أو حرام

وبالنهاية الله يوفقك ولا تخافي مهنة الصيدلة رائعة الله يخترلك الخير يارب
موفقة حبيبتي        





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


....{SalaM}....

عضــو ماسـي


{{يارب أكرمنا بكرامة القرآن}}




مسجل منذ: 31-07-2009
عدد المشاركات: 3844
تقييمات العضو: 529
المتابعون: 81

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:41 PM




السلام عليكم


مشان أول فكرة برأيي إنو إذا داومت الصبح فيمكن أسهل عليها بضل الناس رايحة جاية فإن شاء الله ما هالخوف الزايد عليها أما يلي بخوف الشغل بالليل طبعا وخصوصي بالشتي لما تكون كل الناس مضبوبة ببيتها فممكن ما حدا يحس عليها إذا صار معها شي... وأنا مثلك هكلانة هم هالشغلة كثير... بس ممكن مثل ما قالت golden pill يقعدوا تنتين بالصيدلية أو إذا حولك وحوليكي بيعرفوكي فممكن تأمني نوعا ما... بس دوام المسا ما كثير حبيتو..


مشان تاني شغلة


وأنا كمان ما بدي افتي من عندي... بس كمان إلي عقل زين في الأمور يعني وين الاختلاط بالموضوع.. نحنا دينا مو دين تعصب يعني هالمريض إن كثرت عم يقعد بالصيدلية 5 دقايق وعم ياخد الدوا ويمشي فوين المشكلة... يعني وين الاختلاط؟؟ إي يعني لما الوحدة تنزل عالسوق ما بكون مثلا في اختلاط ... ما بتحكي مع البياعين بكل أدب فهيك يعني هالشي حرااام؟؟؟!!! لا مو هيك أكيد.. وكمان في كثير نساء بتقصد الصيدليات يلي فيها بنات مشان تحكيلها شي مشكلة وتستفسر عنها أو تطلب شي خاص فيها... وفي كثار وأنا منهم بحب اتعامل مع البنات أكثر فيعني وجود الصيدلانية بالصيدلية رحمة لكثير عالم.... وآخر شغلة.... ليش مو كانت الصحابيات رضوان الله عليهن يشاركوا بكل المجالات كان عندك الطبيبة والممرضة و.. و ..و وعلى زمن النبي كانوا فما سمعت ولا حديث إنو سيدنا محمد حرم هالشي عليهم... بالعكس كانوا ينزلوا معهم عالحروب مشان يداووا الجرحى ... وهون كمان الوحدة عم تنزل عالصيدلية لتنفع هالناس بعلمها ...


ما بعرف إا عبرت منيح وقدرت وصل فكرتي...


شكرا على طرح الموضوع





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


S I F AL ESLAM

جامعـي اســتثنائي

ثـــورة حتى النصـــر




مسجل منذ: 18-07-2011
عدد المشاركات: 853
تقييمات العضو: 242
المتابعون: 96

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:45 PM




لا أدري لما يُخامرني الشك بأنه سيأتيكم رد كهذا

و بحب قلكم أننا نحنا في سوريا لا لنا حركة طالبان و لا السعودية

لذلك سأستبق الأمر بسؤال قديم بقي مُعلقاً دون إجابة من أهله :

أرجو التوضيح
فهل الإسلام جاء على أنواع متدرجة
وكان نصيب سوريا (الصنف الأخف) وأخذت السعودية (الصنف الأشد) !؟

أم أن الإسلام جاء واحد وأحكامه واحدة
ويجب أن يكون تطبيقــــــــــــــه واحد !




هذا ما أحببت المشاركة به وأدع البقية لأهلها فهم أدرى بشعابهم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


golden pill

عضو ذهبي


~* اغتنم خمساً قبل خمس *~




مسجل منذ: 11-02-2009
عدد المشاركات: 2456
تقييمات العضو: 102
المتابعون: 10

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:49 PM




هلأ ما بعرف إذا أنا عم زودها بس يعني مدمني الأدوية النفسية ما بيعرفوا لا ليل ولا نهار ووقت بدهم البالتان تبعهم ممكن يعملوا شو ما كان لحتى يحصلوا عليه ويمكن وقتها قانونياً ما بيتحاسبوا لأنهم بحالة غياب عقل

والحرامية كمان ما بتفرق معهم التوقيت


بيجوز أنا بحسبها زيادة........بس ما بدي نام بين القبور ولا شوف منامات وحشة......مر عليّ كم فصل وحاجة



اقتباس
يعني وين الاختلاط؟؟ إي يعني لما الوحدة تنزل عالسوق ما بكون مثلا في اختلاط ... ما بتحكي مع البياعين بكل أدب فهيك يعني هالشي حرااام؟؟؟!!!


بالسعودية حتى بالأسواق ما بيختلطوا

وبلاقي عندهم شوية شغلات بيزيدوها فيها كتير ومع هيك منسمع عندهم قصص غريبة حتى مع منعهم كافة أشكال الاختلاط........ وبيستغربوا كيف نحنا عايشين وسطيين بأمان أكتر منهم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


BlackTulip

جامعـي مبـدعـ





مسجل منذ: 14-12-2010
عدد المشاركات: 494
تقييمات العضو: 48
المتابعون: 10

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 10:58 PM





اقتباس
هلأ ما بعرف إذا أنا عم زودها بس يعني مدمني الأدوية النفسية ما بيعرفوا لا ليل ولا نهار ووقت بدهم البالتان تبعهم ممكن يعملوا شو ما كان لحتى يحصلوا عليه ويمكن وقتها قانونياً ما بيتحاسبوا لأنهم بحالة غياب عقل



في مرة كنا عم نحكي بهي القصة هون ع المنتدى..
فقرأت تعليق ما بتذكر مين كتبه : انو هو صاير اذا اجا حدا لعندو بدو دوا هيك او هيك بيقلو .. هاد الدوا صار لازم تجيب عليه موافقة من الامن الجنائي اذا بدك تاخده ... و نفعت هي الطريقة بتطفيش الزلم !!!

و الله معك حق golden  هدول الناس يخوفوا الله يبعدهم عنا .. بس أكيد ما في مهنة ما الها مشاكل ...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


dana kh

جامعـي مبـدعـ





مسجل منذ: 20-06-2011
عدد المشاركات: 295
تقييمات العضو: 32
المتابعون: 7

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 11:12 PM




اسمعي مني حبيبتي
فوتي على هالفرع واطحشي ولا تخافي
وانتي ادها وادود انشالله
لإيمتى بدنا نضل نخاف من العالم ونخاف من الرجال ونحسب الف حساب للفوتة والطلعة؟؟؟؟
أنا ما عم قول هيك بمعنى أنو الاختلاط مسموح
بالعكس تمام
أنا برأيي مهنة الصيدلة أكتر عمل ممكن أنو تبتعد فيه البنت عن الشبهات
وبالنسبة للمواقف والفصول الناقصة الي عم تحكي عنها زميلاتي فهي ممكن تصير وين ما كان مو بس بالصيدلية يعني الحمد لله ولاد الحلال كتار هالأيام وببساطة اذا ابن الحرام بدو يأذيكي لا سمح الله فبيقدر يترصدلك وانتي رايحة او راجعة من مدرستك
لذلك لازم نتوكل على رب العالمين بالبداية لأنو الأمان بالله
ونتحلى بالقوة والثقة بنفسنا
وانا والله مرق علي كل فصل بالصيدلية بشيبو الراس وبعد ما يصير الموقف اقفل على حالي الصيدلية وضل ابكي شي ساعة من رعبتي    ... بس مرة على مرة صرت أقوى وصرت ما خاف من شي وطبعا صرت آخود احتياطاتي وضربتها صحبة مع المحلات الي جنبي مشان اذا صار ما صار
فكوني قوية حبيبتي وخلي اهلك يشوفو الثقة والقوة بعيونك...
عذرا على الاطالة
دمتم بود...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


..3>..

عضــو فضـي

البسمة بالبسمة ؛؛ و البادي أجمل :-)




مسجل منذ: 28-04-2011
عدد المشاركات: 1434
تقييمات العضو: 415
المتابعون: 71

غير موجود
اشــترك بالتحديثات
رسالة مستعجلة

رد مشاركة : قال شووو؟؟ إذا صرت صيدلانية رح يخطفوني!!!!! انصحوني

10-09-2011 11:19 PM




شكرا كتير لمشاركاتكن,, بس قبل ما شارككن بأفكاري بدي وضح نقطة..


 


"لو سمحتو أنا طرحت موضوع بيختص بالصيدلة مو بالسعودية و الفرق بينها و بين سوريا و...."


 


بصراحة مو أنا اللي خايفة,كنا أنا و أمي عم نناقش الموضوع,,بعرف انو اي انسان ممكن يتعرض لمواقف صعبة مو بس بالصيدلية,,,


 


و أنا بحب الصيدلة لأنو رح افتح صيدليتي ان شاء الله قريبة من بيتي,,"كل الصيدلانيات عندنا هيك"


و أكيد ما رح داوم لحالي,, بس الدوام الصباحي,,و بشوف شي حدا دوام مسائي,,,


 


~مشان الولاد و أبوهن يعني اذا الله راد^_^~


 


كمان في اقتراح قرأته,,حلو كتير و بيناسب الصيدلانيات


انو يكون في شباك بالصيدلية لبرا,,بيوقف الزبون عالرصيف و بيطلب الدوا... و بياخده و بيتيسر


 


بدون ما يفوت لجوا,, هيك تمام صح؟؟؟؟





ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 6  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة