رد مشاركة : هل تحول الممرالذي أمام حمامات الموظفين إلى مصلى للبنات؟!!
13-02-2009 05:38 PM
بعتذر إني تأخرت بالرد
الحقيقة ذهبت أناوبعض زميلاتي للتكلم مع د عامر بس للأسف لم نجده وخبرونا بعض البنات أنهن تكلمو مع الدكتور مشان نقل المصلى بس قوبل طلبهن بالرفض بحجة أن البنات هنن اللي طلبو النقل
بصراحة حاليا ما بعرف شو الحل يعني إذا نقلنا المصلى بدون استشارة حدا ممكن هاد الشي يسبب مشاكل
فشو ‘قتراحاتكم لحل هالمشكلة
رد مشاركة : هل تحول الممرالذي أمام حمامات الموظفين إلى مصلى للبنات؟!!
13-02-2009 07:29 PM
أخت نينو أنا قلتلكم أنو الدكتور عامر ما رح يرد عالبنات
وسؤالي ليش الشباب ما حكوا
وفكرة أنو ننقلو لحالنا كأنو موكتير معقولة
إذا بدكم اعملوا عريضة وقعوا عليها أكبر عدد من الطلاب وقدموها للدكتور عامر
بظن هيك بيمشي الحال
يا جماعة حاجة اعتراضات يعني الإدارة ردت علبنات بهالنقلة لأسباب مقنعة حكوها و بعدين رد رجعوا البنات يطالبوا بالعودة للمصلى القديم طيب ما بيصير الواحد يعترض بمسؤولية أكبر و يفكر بإيجابيات و سلبيات هالاعتراض و لا الشغلة لعبة.......
و مو ذنب الشباب يتشنططوا بالصلاة لأنو كل ما بينزلوا بيلاقو البنات موجودين أو اخدينلون السجادات.
انا برأيي:
-إما يضل كل شي على حالو لأنو المكتبة أستر و أونس (النزلة عل -1 وهرة و بتخوف للبنات بالدوام المتأخر) و لما تتسكر المكتبة نروح نصلي بمكتبة الطب و الله مو بعيدة يعني.
-أو نطالب أنو لما يسكروا المكتبة (الطابق 4) يتركوا الطابق 5 مفتوح ويسكروا الدرج الداخلي بين الطابقين.
رد مشاركة : هل تحول الممرالذي أمام حمامات الموظفين إلى مصلى للبنات؟!!
14-02-2009 09:46 AM
فكرة العريضة فكرة معقولة بس بدنا عددمن الطلاب من كل سنة يتبرعو لجمع التواقيع
أنا من جهتي مستعدة لجمع تواقيع طلاب السنة التالتة
وبدنا كمان عددمن الشباب(الأبضايات) يتبرعو لتقديم العريضة للدكتور عامر
اللي حابب يشارك يخبرني
وأنا بإذن الله من بكرة رح بلش جمع التواقيع
يلا يا شباب بدنا همة
سلامي للجميع
رد مشاركة : هل تحول الممرالذي أمام حمامات الموظفين إلى مصلى للبنات؟!!
14-02-2009 03:58 PM
يا جماعة مو القصة بمين أخد المصلى من مين
سواء البتات ولا الشباب
القصة انو الجامعة كلها بيحدثوها من اولها لآخرها إلا المصلى يلي فيه أسوأخدمة
انا بطلب من الجهات المعنية انو فكروا شوي بإنو في عالم لسا بدها تصلي وما عم تلاقي مطرح تصلي فيه.
رد مشاركة : هل تحول الممرالذي أمام حمامات الموظفين إلى مصلى للبنات؟!!
15-02-2009 10:04 PM
المشكلة المطروحة مشكلة عويصة ختى ان الدكتور مازن ابدى استياءه الشديد عدة مرات من هذا الوضع وقال انه سيكلم الدكتور عامر من اجل هذا الموضوع فاذا اردتم اذهبوا وتحدثوا اليه واطلبوا منه ان يفعل ذلك ولكن حسب ما فهمت من صديقة لي ان الدكتور عامر كان ايجابيا جدا عندما طلب منه نقل المصلى وانه ابدى حرصا كبيرا على ان تؤدي البنات الصلاة و الاهم ان تؤدى في مكان مستور بالنسبة لهم حتى انه نزل الى المصلى بالطابق-1 وتفحصه مما يدل على انه ذو صدر رحب
لذا إن اقتراح ان نطلب ابقاء الطابق الخامس مفتوح عند اغلاق المكتبة و اغلاق الدرج الداخلي هو اقتراح معقول واعتقد اننا اذا طلبنا ذلك من الدكنور عامر كحل بديل عن نقل المصلى في حال رفض فكرة النقل طبعا مع شرح المشاكل التي نواجهها عند اغلاق المصلى
رد مشاركة : هل تحول الممرالذي أمام حمامات الموظفين إلى مصلى للبنات؟!!
17-02-2009 05:21 PM
أول شي شكرا لكل اللي شاركو بالموضوع وأخص بالشكر((زيد)) الذي أظهر إيجابية كبيرة0000
أنا بلشت بجمع التواقيع متل ما وعدتكم بس للأسف واجهت مشكلتين الأولى عدم مبادرةأحد-عدا زيد- للتبرع في جمع التواقيع
والمشكلة الثانية هي انني عندما بدأت في جمع التواقيع سبب ذلك نشوب حرب بين ممن يريدون نقل المصلى والذين لا يريدون00000
لذلك دفعا للمشاكل تم حل المشكلة (جزئيا) وذلك بإبقاء المصلى على ما هو عليه وترك المكتبة مفتوحة حتى الساعة7مساءاً
بعتذر بس هاد ما استطعت فعله
سلامي للجميع
رد مشاركة : هل تحول الممرالذي أمام حمامات الموظفين إلى مصلى للبنات؟!!
17-02-2009 06:40 PM
ما كانت تخلص هالقصة بقى
بصراحة أنا كمان لما فتحت الموضوع كتار عارضوني وما وافقوا على إعادة المصلى
بظن الحل المبدئي مقبول
بس بأيام الامتحانات بدكم تلاقوا حل
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net