و الله و كلمة حق موضوع اكثر من رائع و يستحق الرد بجدارة
الله يعطيكي العافية اختي
اكيد انك تعبتي فيه لحتى حضرتيه
         

ولك آآآآآآآخ يانانون العين تطرق هيك مأساة عم نعيشها أنا المأساة تبعي بالبرامكة

أكتر من شارع الثورة بس الفرق بالبرامكة بتلاقي واحد واقف عم يبيع عصير توت

مدري  من شو مصنوع منظرو لحالو بخليكي تقرفي كل شي اسمو عصير وبتلاقي هالمعلم عم ينادي (تعا بورد تعابورد تعا)

ياإلهي شوبينهزبدني منو ومن صوتو    


بس أحلى شي هي تبع حطها بالمي بتكبر

ههههههههههههههههههههههههه(ملعوبة أم النييييييييييييييييه)    

والله صرعوا مخنا فيها وكمان نسيتي تفضل قرب زينات خشب بس ب15 ليرة

وكل واحد من هدول البياعين عليه صوت بيقطع  الخلفة شكل وخصوصا هادا الواثق

من حالو ومسجل صوتو عالمسجلة وهوعم يقول القطعة بعشرة والعشرة بمية

وكمان الولد يلي بيلحقك بنص الشارع مشان تشتري علكة ولي اللهم اجعلها علكة

وإذا لا حظتي كلهون ببيعوا نفس النوع علكة سلمى    
يبعتلها حمى هيك علكة متل البلوك تقولي مابقي غيرها بالسوق لحتى يبيعوها

بس شوبدك بالحكي نانووووووووووووون الموضوع شغلة وواقعي شكرا نانون خانم على وصف الواقع مأساوي   

أيهم.. يعني الحمد لله إنو قدرت وصل الصورة منيح.. وهيئتك معاني متل حكايتي من هالشارع الفلجة.. ولسه بالروحة عالحريقة بدك تمر من تحت جسر السيارات.. وهدا لحالو بدو وصف غير شكل.. يللا بيعين الله
بس أحلى شي

اقتباس

بس شو بيقرقني .. انو هنيك موقف .. والناس متجمعة .. بس في بالطريق فتحة مجاري .. " ولا فيك تقرب من الموقف .. ولا فيك تبعد " وآآآآآآآآخ ... نهى حكت الباقي

هههههههههه والله ضحكت من قلبي ... بس بكل الأحوال ما بيصحلي وقف بهالموقف.. لأنو خزيت العين مافي قرنة الواحد يحط رجلو.. فبقول خليني واقفة بطقة الشمس أرحملي..
بس إذا إنو 

اقتباس

  وحاسس لازم ينزلو موضوعك ... بكتالوك السياحة للبلد ..         

.. شو بدك بعض جماعة تحمر عينن مني.. بكتالوك السياحة ما بينحط غير: شارع الثورة من أرقى شوارع المدينة.. يمتاز بانتظامه وحدائقه الأخاذة.ههههههه
مشكور لمرورك الراقي سيد أيهم .. عطرت الموضوع بمشاركتك

منعطف النسيان... إذا نزلت عالشام ..بالأول روح عالمالكي.. الحمرا.. المزة .. أبو رمانة .. بعدين إذا بدك مر بشارع الثورة عالسريع... مو مشان شي.. بس مشان ما تطفش من البلد أول ما تنزل عليه
مشكور لمرورك ومشاركتك الظريفة

طالبة... 

اقتباس

أنا حاسة بشعوركن لأني بعرف المآسي اللي بتصير بمنطقة البرامكة

والله كلو أضرب من بعضو.. ليش قليلة البرامكة.. ليكها بلسم وصفتها وما شاء الله .. يعني شي بيبيض الوش على هيك طرقات وهيك أماكن...
شو بدو يحكي الواحد.. الله يصلح الحال أحسن شي
مشكورة عزيزتي طالبة لمرورك اللطيف 

السلام عليكم جميعاً ...

ما شاء الله أسلوب رائع أختي nanon وجميل ... ولكن هنالك لربما كنت قد غفلت عن بعض النقاط الهامة من المحتمل أنك قد لم تنتبهي إليها

أولاً أختي الكريمة من خلال قولك وتحدثك عن بائع جلودة الغاز .... أزعجني هذا الكلام كثيراً.... لا يجب عليك أن تتحدثي على هذا البائع بهذه الطريقة لكونه على الأغلب و مئة بالمئة رجل محتاج .... فبدل أن يأتي إليك ويقول اعطيني المال يقول لك هل تريدين هذا الشيء الخسيس لتشترينه

أنا معك ...  أنه لا يجب عليه أن يسألك لأنك فتاة ولكن ... من كان في حاجة لم ينظر إلى هذه الحدود والواجبات

أعرف إنساناً لا يسأل الناس أبداً لمال أو ما شابه أتدرين كيف يؤمن طعامه وشرابه

أولاً يعمل على شراء الأشياء القديمة لكي يبعها بسعر أعلى قليلاً لغيره ... طبعاً أن لا أقول أن لديه سيارة ... ولكن الله وهبه قدمين يمشي بهما بين الأزقة ليشتري طبعاً إن اشترى

أتعلمين من أين يأكل

لقد رأيتها بأم عيني .......... يقف أمام فرن الخبز وبعد أن ينتهي أحدهم من فرد الخبزات وربط الربطة وذهابه يأتي ليأكل ما قد وقع من الخبز من قطع صغيرة

شو رأيك ...........

من شان هيك لا تنزعجي من هؤلاء لأنو ورا كل واحد قصة .......................



أما الجسر : فكتر خير الدولة يلي عملت هيك جسر لأنو تصوري المنطقة بدون جسر


على كل الواحد وقت بيشوف العالم هيك بحس أنو الله أختاروا بكلية حلوة كمان نشالله ما بيعتاز حدا بالمستقبل ( بالنسبة إلنا أو ألكون أنتو الصيادلة )


على كل الله يكون بشؤون عباده




نمووووووووووووووووووووووووووووووووووووور

وسيم..

اقتباس

اي احمدي ربك أنو كليتنا ما كانت بشارع الثورة...

الحمد لله والشكر لله... يعني إذا بدن يساووها هنيك وين بدهن يحطوها؟ أي ما في قرنة للميكرو بذات نفسو إنو يفوت.. بتلاقيه عم يطاحش مطاحشة مشان يوصل للموقف..
مشكور لمرورك وسيم أفندي.. نورت 

فارس...

اقتباس

أنا عانيت من هالشارع طوال المرحلة الثانوية

والله شايفتلك إنو أنا التانية رح عاني منو طول فترة الجامعة
هدول العالم يلي عم تحكي عنن بيخوفو كتير وفعلاً مافي أشطر منن باللطش والسرقة والعياذ بالله.. وحتى في على نفس النمط بس بيجوك من باب.. ممكن احكي من موبايلك لأنو نسيان(ة) موبايلي بالبيت ...أو من هالحكي.. وحتى ممكن يكونو نسوان بيشتغلو بهالقصة.. ما عم اشطح بخيالي بس سمعت أكتر من مرة عن قصص من هالنوع .. والبطلة(يعني السراقة) امرأة.. عيش كتير بتشوف كتير
مشكور لمرورك المميز فارس بيك 

الغالية طوق الياسمين....

اقتباس

لك شو هاد نهى
وصف و لا أروع

تسلمي يارب.. هدا بعض مما عندكم

اقتباس

و بكرا إذا مرقت من هونيك صرت بعرف ثلاث أرباع العالم

والله وتتهني على هالمعرفة.. ان شاء المرة الجاية بحكي لك عن مجلس الوزراء   مو مشان شي بس مشان تعرفيهن هنن كمان

اقتباس

شي يوم ببقى بحكي لك على مأساة الدوار الشمالي

ماشي بانتظارك.. وببقى بساعدك بالحكي عنو حاكم كمان التاني أحيانا بركبو.. يعني بيمشي حالو معي بس طريقو طوييييل وبيفتل المخ لحتى يوصل.. وياريتو بيوصل
مشكورة لمرورك ومشاركتك المتألقة كالعادة.. نورتي 

طيب ماشي نانون هلا انت اعدة عم  تنقي

بس بتتخيلي انك تطلعي و تقضي باقي عمرك برا و ما عاد تمرقي بشارع الثورة او اي شارع تاني

طبعا لا

بيجوز هلا انت عم تنقي بس بعدين بس لتجربيها بتقولي يا ريت ارجع عالشام حتى لو بدي اسمع ابو العشر ليرات

و بياع الجلد ب1000ليرة

و حتى لو بدي طاحش عالميكرو

بس المهم ارجع  عالشام 

سلامو