[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الصيــدلة علــم و عمــل --> منتدى الحوار العام
    الساحة الجماعية لطلاب الصيدلة (جميع السنوات)
عنوان البريد :  
كلمة المرور :  
                    تسجيل جـديد


صفحة 3 من 577 <- 1 2 3 4 5->

مشاركة : 21


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 40

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

03-07-2009 09:59 PM




منور أخي زيد

هلأ مشان القسمين القدما هلأ هنن مليانين مواضيع و اذا حذفنا واحد منون لح تنحذف المواضيع

و أنا هلأ بلشت أنقل من الأقسام العامة---->كلية الصيدلة كل موضوع على مكانو

يعني كلية الصيدلة لح تصير فاضية بإذن الله شغلة يومين تانيات...

و طبعاً لح تنحذف من الوجود...

أما بالنسبة للقسم العام...

فوالله أنا محتار كتير يعني في طلاب عم يطالبو بقسم عام بكلية الصيدلة بس الإدارة رافضة هالشي

و أنا مع أنو يكون في قسم عام...

بقا ما بعرف...؟؟

شو رأيكن...؟؟!!!

نخلي القسم العام متل ما هو وللا نحذفو و للا شو نساوي؟؟؟





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 22


خـالد صـادق

عضــو فضـي





مسجل منذ: 16-02-2008
عدد المشاركات: 1959
تقييمات العضو: 23
المتابعون: 54

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

03-07-2009 10:19 PM




بداية أنا ...لست بطالب صيدلة...ولربما وبجرة قلم كانت علاماتي في الباكالوريا قد زادت قليلا وكنت معكم...ولكنني أحمد الله أنني مهندس مدني
المهم ...لماذا أنا هنا
احترت ...كثيرا

لكنني حزمت أمري في النهاية...وقررت أن أكون ضيفكم ....للحظات

أفلا أجد ...حاتما عندكم؟؟؟؟أنا لست بحاجة الى حاتم ...لأنني لن أطيل زيارتي

ولكن واجبي ....وقلبي ...قبل عقلي دفعاني الى هنا

قلبت بين المواضيع فوجدت هذا انسبها لأنثر فيه كلماتي

في يوم من الأيام كنت في الدردشة ...وكان أحد أخوتي الصيادلة(اعذروني فلا أذكر اسمه ....فليعذرني ان كان موجودا)قال لي غدا لدينا اجتماع في الدردشة

فقلت له خيرا انشاء الله ورحلت ...لقد كانت قصة عادية حدثا عاديا حينها
ولم أدري أنها علامة .....علامة على طريق مجدكم

أنا اعترف أنكم تخطون في هذا المنتدى سطورا كبيرة وبين السطر والسطر
رائحة الاسبيرين والتاميفلو   

لقد قطعتم مراحل كبيرة ...احيي تواجدكم اللافت

وأشد على أياديكم

أخوكم خالد


اقتباس

صحيح شو مشان أنو أخي وابن عمي وابن عمتي
عيلة الصيادلة لكان.....لأ وشو فهمكن كفاية
بعدين نحنا أهم منكن يا بعدي أنتو اذا عطيتوا دوا غلط للواحد بيموت نحجنا منموت بالميتة شي عشرة اذا وقعت بناية   


لا تصدقوا شي من الاقتباس أنا عم امزح معكن وحابب هز الورد
المهم أنو نحنا ولاد عم


يمكن طالت زيارتي ..بس بدي عقب على كلمة لأخي كاتب الموضوع

اقتباس
و لطالما كان منتدى الصيدلة المنتدى البارز الأول على صعيد المنتديات الأخرى

الأول .....لاه لاه لاه ونحنا شو عم نساوي
طيب ...ماشي ..أنا بنصحكم أنو تشدوا همتكم شي شويتين أو عشر شويات
وتاخدوا دوا منشطات ...نو عيلة المدني قادمة وبقوة

تحياتي لكم أيها الصيادلة وأعود وأقول
نحن جميعا ننصهر في بوتقة واحدة ...بوتقة المحبة قبل العلم
ولكل منا مكانه ...وحيزه في هذا العالم الصغير

دمتم بكل الود والمحبة.....أخوكم المطيل دائما واطالته عندما توجد فهي على قدر محبته .....  



أنت غير مسجل لدينا.. يمكنك التسجيل الآن.

مشاركة : 23


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 40

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

03-07-2009 10:43 PM




آآآآآآآخ يا نجم ...

لا تفتقلي جروحاتي...

طيب لح أحكي و بكل حيادية مشان ما حدا يتضايق

أنا والله أول سنة قدمتها بهالسعادة ( أول سنة كانت سنة غوانتانمووووو)

و صرت شد و عك بهالكتب و كنت إنسان مختلف كلياً عن هلأ...

كنت جدي كتير و ما امزح أبدأً  و ما حاكي حدا و كل همي الدراسة...

كنت حاطط لحالي برنامج صارم بشكل فظيع :

الساعة 5:00 صلاة الفجر
الساعة 5:30 بتخلص الصلاة ( واذا طول الإمام يا ويلو و يا سواد ليلووو)
الساعة 5:35 دورة مياه
الساعة 5:40 فنجان قهوة
الساعة 5:45 دراسة 4 مسائل فيزيا

و شي عم قللك متل الكذب...
و كل هدفي جيب طب بشري..

آخر شي......دن دن دن دردن درن

224 هندسة عمارة..!!!!

لك ما بدي صير مهندس...!!! 

مع أني بعشق الرسم و خاصة الفراغي و قدمت عالمسابقة و أنا كاسر على أنفي بصلة

و الله نجحت و ما عملت لا دورة ولا  شي...

رحت على أبو عماها...

المهم ما كنت ناوي عيدها منوب و كنت ناوي سافر على بلجيكا ادرس طب هنيك...

بس دارت الأيام و الأهل لح ينجلطو آخر شي يا ولد عيد هالباكلوريا و أمرك لله...

لح تخسر شي؟؟؟ ( غير ال30 ألف ليرة قسط السعادة)

المهم سجلت عمارة و عدت الباكلوريا و كللي أمل بالطب البشري..

بس بالسنة التانية غير كانت السعادة بتطير العقل و الأساتذة بيجننو 

بس على فكرة كانت دراستي أخف من السنة الأولى..!!!

و بالسنة التانية عرفني أستاذ الفيزيا طريف جمعة الله يوجهلو كل خير و يوفقو و يرزقو يا رب

و الله بحب و بحترم هالأستاذ من كل قلبي 

عرفني على آينشتاين و كيف حياتو و كان يربط الفيزيا يللي مناخدها بالفضاء و الكون...

من وقتها صرت أعشق الفيزيا و علم الفلك و صرت بحبش بالنت على آينشتاين زمانو

و اتعرفت على جمعية هواة الفلك و انتسبت لألها مباشرة

و اتعرفت عالكونية السورية و عالمهندس فايز و صرت من عشاق العلم

و صرت احضر المحاضرات تحت المطر و أحياناًً روح مشي تحت التلج مشان أحضر..!!!

و أبي يقللي يا مجنوووووووووووون عندك باكلوريا...!!!!

و أنا طنش... 

المهم و قت فحص الباكلوريا التاني رديت اعملت نظام عسكري و بصمت الدورات و هلكت ومتت...

و آخــــــــــــــــر شــــــــــــــــي...؟؟؟؟؟؟؟؟؟؟؟؟؟؟؟؟؟؟؟؟؟

234 !!!!!!!!!

فرحت كتيييييييييييير لأني  بقدر أدخل طب موازي.........!!!! 

طار عقلي من الفرح.........!!!

لكن المعدلات و نظام القبول لا يسمح لأي طالب أن تكتمل فرحتو و يتحقق حلمو...

و إذ و بعد شهر من النتائج...!!!

بيتصل فيي أبي وبيقلي..


وسيم

أنت الحلقة الأضعف

الله معك

الطب الموازي 235

يتبع في الرد القادم...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 24


Mr. Tux

عضو ذهبي


سوريا في القلب




مسجل منذ: 09-10-2008
عدد المشاركات: 2973
تقييمات العضو: 70
المتابعون: 43

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

03-07-2009 10:59 PM




هههههههههههههههههههههه

شو وسيم عم تكتب قصة حياتك أم قصة مسلسل

تركي

           

بس لازم تكفي حكيك و تقلنا شلون لقيت هالفرع

     


لازم تكون هلأ غيرت نظرتك

لأنو بصراحة الطب مو كلشي

و عنجد لو كل واحد كان عندو الجرأة ( متل فارس)

أنو يسجل يلي بدو ياه

رح تصير سوريا البلد الأول عالعالم

لأنو فيها كتير أذكياء بس للآسف عم يروحوا

دائماً عالفرع غير المناسب

يلي  عم يقتلن أفكارن





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 25


Heartless

جامعـي مبـدعـ





مسجل منذ: 18-07-2008
عدد المشاركات: 259
تقييمات العضو: 0
المتابعون: 35

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 07:07 AM




حلوة إنو كل واحد يحكي قصة حياتو ...قصدي كيف اختار الصيدلة

إذا بدي إحكي باخدلي شي 3 صفحات لحالي ..

الخلاصة إنو :

الحمدلله من أول سنة جبت 236 من 240 طبعا بطلوع الروح وبعد ما جننت اهلي وكل معلماتي و صرت انطوائية  و خارج التغطية بكل شي ....بما
إنو أنا بحياتي ما كنت إحلم بهيك معدل (رغم إني بعرف إني اشتغلت )

ما عرفت بقا : طب ولا صيدلة !!!!!! 

صليت استخارة ورحت قدم وراق المفاضلة وتركت أول رغبتين فاضيين ....فتت عالطب لقدم الأوراق  حسيت حالي ما بنتمي لهالمكان أبدا وما صدقت إيمتى طلعت فحطيت أول رغبة صيدلة ...
بعدين مرقت ع كلية الصيدلة حسيت حالي بقلبا عم نط و مبسوطة و حسيت إنو هون حيصير إلي ذكريات و تطمنت إني اخترت الصح انشالله ...

وهلأ فعلا بعد هالسنتين مع كل الصعوبات ما بتخيل حالي بأي فرع تاني ..... 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 26


Ph..Ruaa

عضــو فضـي

قيمتك قيمة ماأنت مشغول به ...




مسجل منذ: 07-09-2008
عدد المشاركات: 1761
تقييمات العضو: 1
المتابعون: 40

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 08:49 AM




لك شبكون ياصيادلة خجلتونا

ماحدا رحب بالمهندس العظيم

اهلا اخ خالد نورت الموضوع


مشكورعلى مرورك اللطيف

       




خذ بالأسباب وكأنها كل شيء ........ثم توكل على الله وكأنها ليست بشيء


أنت غير مسجل لدينا.. يمكنك التسجيل الآن.

مشاركة : 27


Ph..Ruaa

عضــو فضـي

قيمتك قيمة ماأنت مشغول به ...




مسجل منذ: 07-09-2008
عدد المشاركات: 1761
تقييمات العضو: 1
المتابعون: 40

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 09:09 AM




لك آآآآآآآآآآآآآآآآآآآآخ  كم  مرة بدي احكي قصتي

التعى قلبي

ههههههههههههه

طيب مو مشكلة .......

أنا يا أسيادنا درست بالباكلوريا و كعّيت لح تقولو حاجة

ياحرام هلكوا الأساتذة معي

وهادا الحكي من صيفية الباكلوريا لآخر يوم بالفحص 

وأصلا كنت وقتها ماعم فكر شو بدي ادرس كان كل همي وهم أساتذتي وهم أهلي

اني جيب 260 


والحمد لله  كانت علامتي 236

وراحت عليي 4 علامات

3 بالعربي (يعدمني هالمادة هلكتني والله ماااااااااااااابطيقها )     

1 علامة بالقومية

وعلى فكرة أنا دائمابعرف وين علاماتي  وين بتروح الا هون لح يطير عقلي وماعرفت وين راحوا

الحمد لله على كل حال


وبعد ماطلعت النتائج ........

وبعد السح والنح .....

المهم بلشت المعاناة تبع الفرع بالجامعة

لك أنا مابدي ضوع حالي بالطب والاسنان مابطيقوا و أحسن شي الصيدلة

يعني بضل بالأخير بنت  

المهم المجتمع ماقبل

وجلسات الاقناع استمرت ليوم صدور المفاضلة التانية   

وأنا بالأخير غيرت قناعاتي  

واذا كانت الصدمة الكبرى


مـــــبروك  صـــــــيـــــــــدلــــــــة

آآآآآآآخ


مع انو بتعرفوا انو بقدر سجل طب بالموازي او منحة بالجامعة الخاصة

بس لأا  خلص  هون نصيبي 



واستمرت نتائج الصدمة الى العطلة الانتصافية بالجامعة

وبعدها اتأقلمت وحبيت الصيدلة  

وحسيت انو أحلى فرع 

وهو الفرع الوحيد اللي بيناسبني 

الحمد لله.........

اكييييييييييد اخترلي الخير


آسفة على الاطالة


بس قبل ماسكر الرد

حتى ولو  مالح يوصل هادا الحكي للشخص اللي بدي اتشكرو

بس كل ماحكي عن بكلوريتي

واجبي اني اذكر فضلو عليي

الله يقدرني اني رد ولو واحد بالمية من الل عملو معي

مليون شكر للأ ستاذ  زياد رضي

جزاك الله كل خير   

وجعلها في صحيفة اعمالك


     




خذ بالأسباب وكأنها كل شيء ........ثم توكل على الله وكأنها ليست بشيء


أنت غير مسجل لدينا.. يمكنك التسجيل الآن.

مشاركة : 28


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 40

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 10:08 AM




تابع قصة حياة المعتر وسيم...

وجنيت عنجد ما صدقت...!!!

235............!!!!!!!!!

على علامة..؟؟؟؟!!!!!!!

و قلي ابي اذا كتير بدك طب و لح تموت خلص روح سجل طب موازي بحمص...

رحت على حمص و كنت معصب كتيييييييييييير...

و قعدت فكر بين آجار وسكن وحيد أو غير وحيد و لمدة 6 سنوات ما بينقصو ولا يوم...

غير أنو موازي و يعني صارو مليون و نص اذا مو أكتر...!!!

بس يا أخي طب ( و أنا وضعي بالعيلة بيهمني كتيييييييير انو ادخل طب لك مو عرفانين شو صاير..)

بقا قلتلو لأبي خلص خليني بالشام و ما بدي غلبك ...

يللا شام شام...

أسنان؟؟؟؟؟؟؟؟

لأ و ألف لاء ما بطيق هالفرع و أنا كلما فوت  على عيادة دكتور اسنان بتنكرز من ريحة الـــ........؟؟؟

المهم

أخي مالك غير هالحل...

فوت صيدلة...

و جيب معدل و اعمل ماجستير تشخيص مخبري و تعا استلم المخبر تبعي ( هذا الكلام نقلاً عن والدي)

بس بلكي ما جبت معدل؟؟؟

و أنا ما بطيق الكيميا... 

و بعدين الصيدلي وضعو .............لا تعليق...

بس اذا فتت مخابر لح يطير عقلي..

لأني معي خبرة 6 سنين بمجال سحب الدم و التحاليل المخبرية..

بقا هالمنوال فتت صيدلة و كلي أمل أني أدخل مخابر...

بس شكلي كتييييييييييييير لح أدخل...

معدلي 76 و عم شوف شوفات والله العظيم شي مو طبيعي اسألو طلاب دفعتنا

شي 96 و شي 94 وشي بالتسعينات ما شاء الله...


اييييييييييييييييييييييييييييييييييييه

الحمد لله أحسن شي...

و لهلأ ما كتير حابب الصيدلة لأنو بحس اذا بدي ادرس و ما يطلع شي من دراستي بقا ليش لعذب حالي..؟؟

لا تحكو بعرف حالي متشائم ونقااااااااااااااق...

و هي هي قصة حياتي من طق طق للسلام عليكم .........

أقول قولي هذا و أستغر الله.....

آسف اذا دايقت حدا بس يللا بتتسلو شوي و أنتو عم تقرو ألف ليلة وليلة.... 


هههههههههههههههه





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 29


طوق الياسمين

عضو ذهبي


يا رب...




مسجل منذ: 11-09-2008
عدد المشاركات: 2853
تقييمات العضو: 36
المتابعون: 150

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 10:09 AM




صباح الخير عيلة الصيدلة
كيفكم اليوم؟ إن شاء الله تمام 

نجم مشان سؤالك و قصة دخولي للكلية فالقصة هي كالتالي:

من وقت بلشت الدراسة الثانوية و أنا حابة هالفرع و حاططته ببالي
بنجي على سنة البكالوريا كانت ما أحلاها انتظام و دراسة ( مع متابعة التلفزيون  ) . ما ني من النوع اللي بس بقدر ادرس و انسى الدنيا . المهم كانت السنة الحمد لله ،قبل الفحص الأخير بحوالي الشهر ما بعرف شو صار معي خلص مليت و ضاق خلقي و بطلت ادرس و يا حرام يا ماما شو عملت لترجع تسليني و تخليني ارجع ادرس . المهم بعد جهد جهيد مشي الحال و رجعت ادرس و قدمنا هالفحص و طلعت النتيجة و جمعت 211    ما حدا صدق و أنا زعلت كتير لأنه حسيت ضيعت حالي .غير إنه طلع قرار بتطبيق نظام التثقيل على حظنا و بس بهالسنة 
المهم اتخذت قرار  إني عيد البكالوريا و سجلت بمعهد الأوائل رحت داومت نهار واحد حسيت حالي رح انجلط ما بقدر ارجع آخد شي بعرفه . المهم تركت المعهد بعد ما اتخانقت مع مدير المعهد اللي كان عم يشد شعره كيف بدك تعيدي البكالوريا بلا معهد ؟؟؟ المهم ما رديت و سجلت بالفصل الأول دورات انكليزي قويت لغتي فيها و بالفصل التاني سجلت دورة حل مسائل فيزيا و رياضيات و كيميا ( مشان اجبر حالي ادرس ) و قدمنا الفحص و الحمد لله جمعت 229 ( و الله يا رؤى و أنا كمان بالعادة بعرف وين بيروحوا علاماتي و بحسبهم بالعلامة إلا هون في 4 علامات ما بعرف وين طاروا  )المهم قدمت على المفاضلة الأولى و أنا متفائلة بحياتها الصيدلة ما طلعت عن ال 229 قبل هالسنة و على حظي صارت 231  . فقررت إني اتنازل عن حلمي و ادرس هندسة طبية بس بابا الله يقويه ما رضي و قلي بتسجلي بالوازي و بين آخد و رد ( ما بدي كلفه لبابا  ) اقتنعت و سجلت صيدلة و حققت حلمي الحمد لله بس بعد معاناة طويلة عريضة 


لا تواخذوني طولت عليكم بس حاسة القصة مبارح صارت مع إنه مرق ست سنين من وقتها و الحمد لله هلء على بعد خطوة من التخرج 

   





بسم الله الرحمن الرحيم
"  وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3)"


{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
صدق الله العظيم


ربِّ .. يقولونَ أنَّ حلمي مستحيل..  وأنا أصبحُ وأمسي على يقين.. أنكَ على كلِ شئٍ قدير.





أنت غير مسجل لدينا.. يمكنك التسجيل الآن.

مشاركة : 30


طوق الياسمين

عضو ذهبي


يا رب...




مسجل منذ: 11-09-2008
عدد المشاركات: 2853
تقييمات العضو: 36
المتابعون: 150

غير موجود
اشــترك بالتحديثات
رسالة مستعجلة

رد مشاركة : الساحة الجماعية لطلاب الصيدلة (جميع السنوات)

04-07-2009 10:18 AM




وسيم

رح قلك خبر ما بعرف بيفرحك و لا لاء؟؟ 

المهم مشان التشخيص المخبري المعدل مهم بس مو شرط إنه تكون من الأوائل لأنه ببساطة التسجيل على الماجستير بيكون عن طريق المفاضلة و على حسب المتقدمين بيكون القبول ( إذا بدك السنة الماضية في طلاب معدلهم 69 انقبلوا تشخيص مخبري ) كمان إضافة لما سبق مو بس التشخيص المخبري ،بتقدر تفتح مخبر تحاليل بعد الحصول على ماجستير بالكيميا الحيوية أو الكيميا الحيوية السريرية أو المناعيات و الدمويات أو الطفيليات .

و مشان معدل السنة الأولى عادي ما لسى ما اتاقلمت تماما مع الكلية و الدراسة و الامتحان و إن شاء الله السنين البقية بيكون معدلك أحسن بس بدك تتعب على حالك شوي زيادة   


سلام
     





بسم الله الرحمن الرحيم
"  وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3)"


{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
صدق الله العظيم


ربِّ .. يقولونَ أنَّ حلمي مستحيل..  وأنا أصبحُ وأمسي على يقين.. أنكَ على كلِ شئٍ قدير.





أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 3 من 577 <- 1 2 3 4 5->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة