[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> منتدى مناقشة المواد الدراسية --> ساحة السنة الخامسة
    يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه
عنوان البريد :  
كلمة المرور :  
                    تسجيل جـديد


.يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه


dr.esr

جامعـي جديــد




مسجل منذ: 15-07-2010
عدد المشاركات: 18
تقييمات العضو: 0

غير موجود
اشــترك بالتحديثات
رسالة مستعجلة

يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

05-10-2010 11:26 PM





فعلا ياسنة خامسة  رح تكتشفوا انه مادة الصيدلة السريرية هي أكتر مادة فيها ارتباط كبيييييييييييييير بينها وبين باقي مواد الصيدلة .....
وعفكرة أنا لقيتا من أصعب مواد السنة الخامسة وأدسمها بالرغم من انه نسبة النجاح فيها جيدة بس للأسف بمعدلات منخفضة...........

بس والله ماكان السبب منا نحنا متل هيك مادة ما لازم تكون بسنه خامسة ولا حتى رابعة سدقوني كان لازم بلشت معنا من سنة أولى وكان لازم اخدنا أكتر من مقرر فيها لأنها والله من أروع المواد ومن أجملها بس طبعا للي بفهما وبيبدع فيها لإنك فعلا بتحس حالك انك صيدلاني وانو دراستك ما راحت عالفاضييييييييييييييي

والأكتر غرابة اني لما تخرجت من جامعة دمشق السنة وسافرت على الخليج تفاجئت انه وعلى مستوى الجامعات العربية فيها وبمصر وبدول تانية فتحت قسم صيدلة سريرية  أو متل ما متعارف عليه عندن (صيدلة اكلينيكية) فيك تتخصص فيه من سنه أولى (تخيلوا قسم كامل للصيدلة السريرية ومن سنه أولى مو مادة من مواد الصيدلة بالسنة الخامسة) هدا فضلا عن الجامعات الأجنبية الي عم تدرسها من زمان........
وانه عالميا في جدل وخلاف كبير بين الأطباء وبين الصيادلة المتخصصين بالصيدلة السريرية وصيدلة المشافي
والسبب هو انهم حسوا انو نحنا تعدينا على حقوقهم وصارت الأولوية إلنا كصيادليه سريرين وهنن ما عليهن سوى تشخيص الحالة فقط وبتنتهي مهمتهن والباقي علينا
هلأ كتير منكم عم يسأل ما هو الدور الأساسي للصيدلي السريري ومن أين اكتسب هذه الأهمية ؟
حاليا الصيدلي السريري  مسؤول عن المريض وحالته المرضية من أول ما يدخل المشفى سواء بحالة اسعافية ام لا لحتى يتعافا ويتخرج من المشفى ومو بس هيك كمان لازم يتابع حالة المريض من وقت لأخر (يعني فترة مراجعة المريض)
متل ما قلتلكن من اول ما بفوت عالمشفى بيبدى دوره جنبا الى جنب مع الدكاترة والممرضين والمسعفين وبعدين ببلش يتحرى  عن القصة المرضية للمريض وكيف وليش صار معو هيك وبعد ما يقوم زملاؤه من المخبريين باجراء الازم وتتشخص الحالة مزبوط اعتمادا على المعطيات والقصة المرضية  بتبلش مسؤوليته الأكبر وهي انه شو الدواء المناسب للمريض مراعيا سن المريض والأمراض الأخرى الي بعاني منها والأدوية الي عم يتناولها والتداخلات الدوائية والطرق المناسبة لإعطاء الدواء (وريدي ـ فموي .......إلخ)  ومتابعة الحالة بشكل مستمر

ففكروا بالمسؤولية الي عم تقع على عاتقة وأديشها صعبة بس ممتعة كتير بنفس الوقت وفكروا بشعوركم واديشكم رح تنبسطوا لما تحسوا انكم  طلع معكم شي ..........................................وانك صيدلاني ممتاز
فكل هالشي أكيد مارح تتعلمو من مادة وحدة وبسنه خامسة والله لو أخدناها من سنه أولى ما رح يكفي اذا ما دربونا وخلونا نطبق عملي 

أنا كنت بتمنى لو كانت السنة الخامسة كلها تطبيق وعملي وتدريب بالمشفى (بسموها سنة امتياز وتطبيق)بس على العكس تماما طلعت كلها نظري وما فيها مواد عملي ورح تشوفوا هالشي بالفصل التاني مادة عملي وحدة ومنا ومن قلتا ......

بتمنى أعرف آراءكم بالموضوع وانوا نتو بتشوفوا نفس الشي ولا بتخالفوني؟؟؟؟؟؟؟؟؟؟؟؟؟؟







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3845
تقييمات العضو: 245
المتابعون: 59

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

06-10-2010 05:12 AM




الصاير أنو كليتنا متوجهة لدراسة الدواء من ناحية كيميائية بحتة

أما معالجة المرضى فشي ثانوي

بنتمنى يطبقوا نظام الصيدلية الإكلينيكية بس هالشغلة بدها اتفاق مع نقابة الأطباء
                                                 
وعموماً تطبيق هالشي صعب عنا
                                               
لأنو أغلب المرضى بيلجؤوا للعيادات الخاصة والمريض بيجي مرة ويمكن ما يرجع
                                                                 
وبالمشافي فأعداد المرضى الكبير وتحفظ الأطباء على ألا يشاركهم أي حدا بعلاج المريض بحد من دور الصيدلي
                                                                                         
لكن بس يصير عنا نظام صحي مضبوط ممكن أن يجد الصيدلي السريري دور إلو





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


dr.esr

جامعـي جديــد




مسجل منذ: 15-07-2010
عدد المشاركات: 18
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

06-10-2010 04:32 PM




المشكلة يا zaid  متل ما قلت ناحية كيميائية بحتة والمشكلة الأكبر انه بالحياة العملية انا بعتقد نسبة قليلة جدا من الطلاب الخريجين هنن بس الي بتوجهوا نحو المعامل المختلفة ليشتغلوا فيها سواء كانت معامل دوائية أو غذائية أو غيرها
بينما النسبة الأكبر منن  وخصوصا الصبايا رح يتجهوا الى فتح صيدليات ؛؛؛؛؛؛؛ومنن رح بشتغلوا مندوبي مبيعات فوين الناحية الكيميائية بالنص ............دائما بندرس شي وبنلاقي العمل او الشغل شي تانييييييييييي

فعلا أنا بعتقد الفارق الوحيد بين الجامعات العربية والجامعات الغربية انو هنن بتأهلوا للحياة العملية قبل ما يتخرجوا
بينما نحنا فيك تقول بننصدم بالحياة العملية بعد التخرج

فعلا أنا متأكده انه بإذن الله من هون لعشر سنين ومو أكتر الصيدلة السريرية رح تاخد حقها عربيا وبعدين بتصحى نقابة الصيادلة ونقابة الأطباء عنا وبتزكرووووووووووووووها(بس بعد شو)



وعكرة مونحنا الي عم نشارك الأطباء بمعالجة مرضاهم بالعكس هنن الي عم بشاركونلوعم يتعدوا على حقوقنا
وأصلا من وين لوين ليحقلهن يصرفوا ادوية ويعطوا على كيفن ليش هنن درسوا الي درسنا (طبعا انا عم احكي عمستوى المشفيات مو عم مستوى العيادات )

لو كل واحد أخد دوره بالحياة وأتمه على أكمل وجه وماطمع ما كنا وصلنا للي وصلناله هلأ






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


phmab

عضــو فضـي





مسجل منذ: 04-02-2008
عدد المشاركات: 1215
تقييمات العضو: 368
المتابعون: 59

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

06-10-2010 06:17 PM




آآآه يا dr.esr ... والله فتحتلنا جروحاتنا

الصيادلة مغبون حقهن بكل شي ..

مع انو بأضعف الإيمان لما يفتحو صيدلية فهنن بيسمعو المرضى وبيتفاعلو مع حالتهن وبيستوعبوها أكتر من 10 دكاترة وبدون أجرة معاينة


أما عن الصيدلة السريرية ... لا تذكرني بيلي عم ناخدو هلأ ,,, المادة لازم تكون مقسمة لأكتر من قسم والها تطبيق عملي ومن السنة الأولى متل ما تفضلت ... يعني مع احترامي للعقاقير نحنا مناخد شي 3 عقاقير وعقاقير تطبيقي ... وكمان السموم 1 و 2 وسموم شرعي .. بالمقابل المادة يلي بتمسنا لأبعد الحدود الصيدلة السريرية حاطينها مادة وحدة وبالسنة الخامسة .. وبقولو للطلاب ليش هيك معلوماتكن مو على مستوى .... !!!





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


dr.esr

جامعـي جديــد




مسجل منذ: 15-07-2010
عدد المشاركات: 18
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

06-10-2010 11:11 PM




هلأ phmab فيك تقول انه صرت سنة خامسة ومشي حالك ما عاد فينا نغير شي بس نصيحة مني قد ما فيك تفهمها وتركز فيها بكون أحسن وحتى لبعد ما تتخرج انشالله فيك تكفي فيها لوحدك وبقدراتك ........................الخ


عفكرة رح تلاقي سنه خامسة أسهل سنه بالرغم من انها اكتر سنه فيها ضغط من حيث الملازمة ومشروع التخرج وفحص الكفاءة والمواد الدراسية الضخمة بس بما انها اول السنة من الطبيعي انك تكون مرتبك وامورك ملخبطة


بس فعلا السنة الخامسة اكتر سنة ميسرة حتى الدكاترة بكونوا حاسين فيكم  وبسهلولكم الأمور لأبعد الحــــــــــــــــــــــــــــــدود طبعا لانها سنة تخرج


أنا شخصيا تلات ترباع المواد الي قدمتها قلت اني راسبة فيها ورح احملها بس الحمد الله ماحملت ولا مادة (طبعا على غير عادتي  !!!!!!!ههههه)

على العمـــــــــــــــــــــــوم موفقين كلكـــــــــــــــــــــم  وعقبالكم بالتخرج





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


طالب دراسات

جامعـي جديــد





مسجل منذ: 22-09-2010
عدد المشاركات: 18
تقييمات العضو: 4

غير موجود
اشــترك بالتحديثات
رسالة مستعجلة

اي منيح

07-10-2010 09:52 PM




اي مو عم انبوس ايد الطلاب يهتمو بهالمادة لأنو بيبقوا قاعدين بالعملي متل يلي قاعد على جمر وبس بدون يهربو......ومن أول الفصل ياجماعة هالمادة بالحياة أكلكون وشربكون يعني بالصيدلية ماحدا رح يجي يسألكون تحليلية ولا فيزيائية!!!




"الخلق كلهم عيال الله وأحب الخلق إلى الله أنفعهم لعياله"


أرجو الله أن أنفع وأنتفع بهذا المكان


أنت غير مسجل لدينا.. يمكنك التسجيل الآن.

مشاركة : 7


phmab

عضــو فضـي





مسجل منذ: 04-02-2008
عدد المشاركات: 1215
تقييمات العضو: 368
المتابعون: 59

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

02-11-2010 11:17 PM




dr. esr  معك حق .... مشي حالنا ...

بس بقول لطالب الدراسات انو خلي الطابق مستور لأنو مو كل المشرفين متل بعض ... وإذا الواحد عم ياخد أمراض قلبية بالعملي بتقلي رح تواجهك بالصيدلية ؟؟

احتشاء وخثار وشيخوخة ... كلن بدهن مشفى

وفئات تانية فيها أكتر من مشرف والدكتورة ...  وعم ياخدو أمراض متداولة متل التهاب المثانة والصداع والربو والسكري ... يعني ممكن تجيه للواحد بالصيدلية هيك حالات ويلاقي دوا OTC لهيك حالة ...

بس آآآخ ... أنا على قد ما بحب هالمادة .. على أد ما حسيت بالظلم بـ "العملي" تبعها ... لأنو مشرف/ة واحد/ة غالباً وكتير منيح    ... ووقت طويل وشرود وحالات سريرية خرج دكاترة ....

هو أكيد إلا ما نستفيد ... بس معقول نطلع من الكلية ومن نفس الدفعة وبالعملي كل واحد آخد معلومات شكل ...؟؟

بس شو بدو يحكي الواحد!!!

الحمدلله على كل شي ... أصلاً عنجد نحنا لازم نشتغل على حالنا وما في غير هالحل ...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3845
تقييمات العضو: 245
المتابعون: 59

غير موجود
اشــترك بالتحديثات
رسالة مستعجلة

رد مشاركة : يا صيادلة بعد ما تخرجنا اكتشفنا انه الصيدلة السريرية وصيدلة المشافي من أه

03-11-2010 01:12 AM




والله مفروض كل الفئات ياخدو متل بعض

صحيح أمراض القلب والخثار هي حالات اسعافية

بس بنستفيد منها

بما أنو الصيدلي هو أول جهة طبية بيلجئلها المريض

وبالنسبة للحالات التانية يلي بياخدوها طلاب فئات الدكتورة وفاء

مالنا غير ناخد نوطة مجاوب عليها ونقرأها لحالنا وبعدين نتوسع بالمواضيع لحالنا





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة