[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الصيــدلة علــم و عمــل --> منتدى الحوار العام
    عش متعة الصيدلية
عنوان البريد :  
كلمة المرور :  
                    تسجيل جـديد


صفحة 3 من 9 <- 1 2 3 4 5->

مشاركة : 21


نور الهداية

عضــو فضـي





مسجل منذ: 22-03-2009
عدد المشاركات: 1859
تقييمات العضو: 374
المتابعون: 47

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

13-02-2011 11:18 PM





اقتباس
عفوا نور الهداية ما فهمت ........ بس ممكن تحاكونا عربي ............ لا جد ....... يعني مشان بركي منمشي معكن نحنا تبع صف الابتدائي


الله يسامحك


اقتباس
بالتأكيد كما في حالة RA حيث نلجأ إلى استخدام ال CS كـ bridging رثما يبدأ مفعول أدوية ال DMARDs


RA: Reumatoid Arthritis ( التهاب المفاصل الروماتويدي)

CS: Cortico Steriods ( الستيروئيدات القشرية)

DMARDs: Disease-modifying antirheumatic drugs ( الأدوية المضادة للروماتيزم و المحورة للمرض)

bridging ( تجسير)

يعني نحنا منستخدم الـ CS لبين ما يبدأ يظهر تأثير أدوية ال DMARDs لأنها تحتاج لأشهر لحتى يظهر تأثيرها و أشهرها دواء ( الميتوتريكسات) و متل هالأدوية ضرورية لمريض الروماتيزم لأنها تعالج السبب من أساسه أما ال CS بتعالج الأعراض فقط من ألم و التهاب....

هي لمحة مختصرة و بكرة بصيدلة المشافي إن شاء الله بتاخدوا أمور تفصيلية أكتر





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 22


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

14-02-2011 10:44 AM




هلأ يمكن لأنو الاثنين بيخفضو الضغط عن طريق إنقاص المقاومة المحيطية وبدون ما يقربو على نتاج القلب 


بس حاصرات قنوات الكالسيوم إلها تأثير على نتاج القلب لأنها بتزيد النتاج بإنقاص تقلص العضلة البطيبنية.


ما بعرف.. مكن تكون المشاركة جيدة بسبب التأثير على شوارد البوتاسيوم مثلاً؟ أو لإلغاء التأثيرات الجانبية لإحدهما بواسطة الآخر





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 23


golden pill

عضو ذهبي


~* اغتنم خمساً قبل خمس *~




مسجل منذ: 11-02-2009
عدد المشاركات: 2456
تقييمات العضو: 102
المتابعون: 19

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

14-02-2011 11:23 AM




هلأ الأملودبين بعرف أنه حاصر قنوات الكالسيوم (دي هدروبيريدين) بيوسع الأوعية.


بالنسبة للرعاف:

إذا ما نفع الضغط على الأنف ممكن نستخدم مقبضات وعائية محيطية متل الاوكسيميتازولين (Sinuvin) أو أي بخاخ مقبض وعائي موضعي ....بس شوف الرف بتذكر أسماءهم 


وكوقاية من جفاف الأنف بنصح المريض يستخدم حلول ملحي معادل للتوتر .....


بس لازم نننتبه إذا كان الرعاف بسبب ارتفاع الضغط فبعتقد هالشي منيح ورح يتوقف لوحده....... مع الانتباه الدائم للضغط وضبط جرعة الأدوية المستخدمة لتسيطر عليه

أو إذا كان الرعاف بسبب تناول مميعات الدم (وارفارين) أو ازدياد مفعولها بمشاركتها مع أدوية أخرى أو أغذية متل الثوم مثلاً ......أو مضادات التكدس الصفيحي متل (NSAIDs) أو الهيبارينات ....




شكراً لك "مراقب أدوية" على هالحالات الظريفة 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 24


مراقب أدوية

جامعـي اســتثنائي





مسجل منذ: 13-12-2010
عدد المشاركات: 610
تقييمات العضو: 430
المتابعون: 40

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

18-02-2011 04:51 PM




مرحبا دكتور ........
كيف الصيدلية ............
الله يعطيك العافية ...........

كنا عم نتناقش المبارح عن موضوع الرعاف وقلتلي انو مريض الضغط مالازم نعطيه مقبض وعائي بس لازم تعرف يادكتورنا انواحنا قدام حالة اسعافية واستمرار النزف قد يشكل خطر أكبر عالمريض من ارتفاع الضغط اللي بينتج من  اعطاء مقبض وعائي (موضعي) وأنا معاك انو لازم نتحاشى نعطي مريض الضغط  مقبض وعائي ولازم نستخدم أي و سيلة أخرى متل قطعة تلج والضغط على طرف الأنف اللين  لكن يمكن نضطر نعطي مقبض وعائي  في حال استمرار النزف وفي حال تكرار النزف يفضل الاحالة للطبيب اللي ممكن يلجأ لعملية كي الأوعية الدموية الأنفية

مشاركة الأملوديبين مع البينازيبريل هي من المشاركات الجديدة التي هدفت لاضافة حاصر لقناة الكلس مع مثبط لانزيم محولة الأنجيوتنسين أوالى حاصر لمستقبلات الأنجيوتنسين  وحسب بعض الدراسات فان مشاركة الأملوديبين مع البينازيبريل كانت أكثر فعالية في خفض الضغط من مشاركة التيازيد المدر مع البينازيبريل لما يعطيه الأملوديبين من زيادة في تأثير البينازيبريل على الأوعية الدموية

يلا بنكمل بعدين في مريض جاي ..
المريض: دكتور بدي هالوصفة 
الوصفة :
شفاتريتيل 25 :أميتربتيلين مضاد للسلس البولي 
ريناستون: زيوت عطرية مدر ة لتفتيت الحصى 
كارديوبريس : دوكسازوسين  لمعالجة ضخامة البروستات
سكسوفان : يوهمبين +ميسترولون لمعالجة العجز الجنسي

ياترى شوالخطأ بهالوصفة ؟

شورايك نرجع للأدوية المميزة ؟
موكو فري (شركة سيفكو): تركيبه أمبروكسول وهو دواء مقشع ميزته أنه مستقلب فعال للدواء المقشع المعروف باسم البروميكسين وهو أكثر فعالية من البروميكسين 

سباستيكول (شركة ابن الهيثم ):تركيبه بينافيريوم وهودواء مضاد تشنج الأمعاء
ميزته أنه يعمل بألية مختلفة عن مضادات التشنج الأخرى فهو يعمل على حجب قنوات الكلس في الجهاز الهضمي وأثاره الجانبية أقل من مضادات التشنج التي تحجب المستقبلات الموسكارينية

اليك بعض الأخطاء الممارسة بالصيدليات حتى نتحاشاها سوا .....

مريض عم يطلب دوا التهاب بدون ماتسألو لشو عم تستخدموا

تستقبل مريضك بوش ناشف وتمرضو فوق ماهو مرضان

مريض عم يكرر الدواء دون استشارة طبيبو وانت عم تعطيه الدواء بدون مابتسألو

حالة اجتك توصفلا دوا بدون  ماتتأكد من تشخيصها  لأنك خايف انو المريض يقول عنك موفهمان

مريض  موصفلو بخاخ للربو ما بتعلمو كيف يستخدموا أوعم يكرر استخدامو دون مابتسألوا انو عم يستفيد عالبخاخ ولا لأ  واذا كان عم يستخدموا مزبوط

مريض سكري أوضغط عم يجي عالصيدلية بدون ما تسألوا اذا  انو عم يتبع نصائح الطبيب وتتركو يروح بدون ماتعطيه نصائح عن ضبط السكر أوالضغط أو تغيير أسلوب الحياة

مريض عم تصرفلوا قطرة أوشراب  دون ماتعطيه تعليمات عن مدة استعمالن بعد الفتح أوطريقة حفظن


مالازم تعامل الناس بأسلوب واحد فبدك  تعرف تدخل الى قلب كل انسان وتكسب ثقتو من خلال اسلوب الحكي المناسب لكل فئة من الناس (بدك تساير )
وفي المرة القادمة ان شاء الله نتعلم كيف نعامل كل مريض حسب شخصيتو

شكرا الك دكتور ............

الى يوم صيدلاني أخر ..........
دمت بخير .........





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 25


ph.dima

جامعـي مبـدعـ





مسجل منذ: 26-01-2010
عدد المشاركات: 331
تقييمات العضو: 14
المتابعون: 13

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

18-02-2011 11:06 PM




السلام عليكم....

جزاك الله خيراً دكتور (مراقب أدوية)


اقتباس
الوصفة :
شفاتريتيل 25 :أميتربتيلين مضاد للسلس البولي
ريناستون: زيوت عطرية مدر ة لتفتيت الحصى
كارديوبريس : دوكسازوسين لمعالجة ضخامة البروستات
سكسوفان : يوهمبين +ميسترولون لمعالجة العجز الجنسي

ياترى شوالخطأ بهالوصفة ؟

حسب معلوماتي الضئيلة
يمكن المشكلة انو بنفس الوصفة في دواء لمعالجة ضخامة البروستات الي هي فعليا بتأدي لاحتباس بولي بسبب الضغط على الاحليل
وفي كمان دواء للسلس البولي




"اللهم إنك تعلم سري وعلانيتي, فأقبل معذرتي, وتعلم حاجتي فأعطني سؤلي, وتعلم مافي نفسي فاغفر لي ذنبي, اللهم إني أسألك إيماناً يباشر قلبي, ويقيناً صادقاً حتى أعلم أنه لايصيبني إلا ماكتبت لي, ورضني بما قسمت لي"
                                                                                                              آدم عليه السلام


[color/] [size/]
it's painful but great..







أنت غير مسجل لدينا.. يمكنك التسجيل الآن.

مشاركة : 26


*ZAID*

عضــو ماسـي


رب اجعل هذا البلد آمناً




مسجل منذ: 17-01-2009
عدد المشاركات: 3845
تقييمات العضو: 245
المتابعون: 59

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

19-02-2011 04:14 AM







السلام عليكم

الأميتريبتيلين له تاثير حاجب كولينيرجي من تأثيراته الجانبية احتباس بولي

والدوكسازوسين حاجب أدرينارجي نوعي لألفا 1 لعلاج ضخامة البروستات

                                                                                         

فالتأثيران متعاكسان وسنلاحظ نقص في الفائدة العلاجية للدوكسازوسين

أما بقية مكونات الوصفة لست متأكد إن كان لها تأثير ضائر مع بعضها





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 27


مراقب أدوية

جامعـي اســتثنائي





مسجل منذ: 13-12-2010
عدد المشاركات: 610
تقييمات العضو: 430
المتابعون: 40

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

26-02-2011 02:49 AM




اليوم الخامس في الصيدلية :

مرحبا دكتورنا ...............
بعد زمان ................
كيف أخبارك انشالله منيح ..........

أكيد رح تسألني عن الوصفة الخلبية تبع مبارح........
وأنتهز الفرصة لأشكر الدكاترة زيد وph dima على اجاباتهم الذكية .....

الخطأ في الوصفة يكمن في التعارض بين الاميتربتيلين واليوهمبين من جهة والدوكسازوسين من جهة أخرى
الأميتربتلين واليوهمبين يعملان على زيادة النورأدرينالين ويزيدان من تأثيراته بينما الدوكسازوسين هو حاجب لمستقبلات النورأدرينالين وينقص من تأثيراته وبالتالي هناك تعارض بين وصف  هذه الأدوية

شو الأدوية المميزة اليوم ؟............

سيكوبال : تركيبه ميكوبالامين يستخدم أكتر شي في التهاب الأعصاب وفقر الدم ميزته أنه  مستقلب فعال للسيانو كوبالامين (الفيتامين ب12)ويعتبر أكثر فعالية من الفيتامين ب12

ديبنكوزيد (شركة ساندي ):تركيبه هو ديبنكوزيد يستخدم أيضا في التهاب الأعصاب وفقر الدم ميزته أنه طليعة دواء للفيتامين ب12ويعتبر كذلك أكثر فعالية من الفيتامين
ب12

الظاهر في مريض جاي .........

المريض :دكتور  عم بشكي من صعوبة وتكرار تبول وعم تطلع حرارتي 
وقلي الدكتور انو ساوي تحليل وقلي بعد ماشاف التحليل انو مامعك شي بس شوية رمل ووصفلي أدوية للرمل وصارلي شي شهر عم باخدهن وما ستفدت شي
انت :وين التحليل....... معك شي
المريض : اي ليكو معي دكتور
انت : غريبة التحليل طبيعي بس انت أكيد  ما كنت تأخد أدوية التهاب لما حللت أو فبل
ما تحلل بكم يوم 
المريض : لا دكتور ماكنت باخد بس قبل ما ساوي تحليل بشي أربعة ايام كان صايبني التهاب لوزات ماكن (شديد)فاخدت دوا التهاب عيار 1000 ليومين وطبت وبعدين ماعدت أخدتو

طبعا عرفت انت شو اللغز ...............
الظاهر انو الطبيب والمخبري نسيانين يقولوا للمريض انولازم يتوقف عن أدوية الالتهاب قبل تلت أيام  من اجراء التحليل وهالأدوية اللي مالحقت تنطرح بشكل كامل قضت عالجراثيم الي بتكون غالبا مسببة لنوع من التهابات المجرى البولي

سؤالي للمرة الجاية : هالأعراض هي لأنو نوع من التهابات المجاري البولية توجهك ؟


مريضة :دكتور أنا حامل وقلي الدكتور لازم تاخدي لقاح كزاز في الشهر التالت والرابع
ورحت للمشفى لاخدو فقالولي بالمشفى انوما بينعطى للحامل فاحترت شو بساوي

ياترى شو الجواب ؟


من أهم جوانب المتعة بالصيدلية هي ماتتحه لك الصيدلية من تعرف على نفسيات وشخصيات مختلفة جدا فتجد الرضيع والطفل والرجل والمرأة والمسن وكل واحد من هذه الفئات تحتاج لطريقة تواصل تتناسب مع شخصيته ونفسيته

فالطفل والمسن يشتركان بأنهما يحتاجان أن تحسسهما بالرعاية والحنان بينما يحتاج الرجل والمرأة أكثر مايكون الى التثقيف الصحي   

ومثال على هالشي لما تفحص  لوزات  الطفل مثلا أو تضربو ابرة لازم تعرف انو  ها الشي يضايق الكبير فكيف الطفل الصغير  وشو حلو لما تحس انو هالولاد الحلوين قريبين منك (  يعني يبتحس فعلا انك عم تساوي عمل انساني عظيم لما تدخل بسمة على  وش طفل أو تخفف من وجعو)

والكبار بالسن بحبوا انو تسألهن كتير عن صحتن يعني بحبوا العطف والرعاية ومابحبوا كترة النصائح

أما الرجال والمرا  هدول لازم تدير بالك منن ولازم تدير بالك على تصرفاتك معن  لأنن من النوع اللي يدقق وبحبوا الصيدلي ذو الثقة العالية بنفسو والأخلاق الكويسة والعلم الغزير وهون لازم تعطي أكبر قدر من النصائح بس لازم تفرق بين أنواع من الأشخاص متل الشخص المثقف والشخص اللي بيحاول يتفهمن  والشخص العادي والشخص المستعجل والشخص قليل الاستيعاب وكل واحد من هدول الو طريقة تثقيف ونصائح شكل

وأكيد رح  تلتقي بصيدليتك بكل هالأنواع وساعتها  بنفصل كيف بنتعامل مع كل نوع لوحدو  في المرات القادمة ان شاء الله ................


الى يوم صيدلاني أخر ..............
دمت بخير ...............





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 28


مراقب أدوية

جامعـي اســتثنائي





مسجل منذ: 13-12-2010
عدد المشاركات: 610
تقييمات العضو: 430
المتابعون: 40

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

28-02-2011 06:26 PM




وينكن يادكاترة ................


شوفونا ابداعاتكن اللي تعودنا عليها  .................





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 29


....{SalaM}....

عضــو ماسـي


{{يارب أكرمنا بكرامة القرآن}}




مسجل منذ: 31-07-2009
عدد المشاركات: 3855
تقييمات العضو: 532
المتابعون: 132

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

28-02-2011 07:45 PM




السلام عليكم


اقتباس
هالأعراض هي لأنو نوع من التهابات المجاري البولية توجهك ؟


هلأ يلي بعرفوا إنو إذا في أعراض جهازية مثل ارتفاع الحرارة يعني معو التهاب مجاري بولبة عليا
يا كلية يا حويضة.....



اقتباس
مريضة :دكتور أنا حامل وقلي الدكتور لازم تاخدي لقاح كزاز في الشهر التالت والرابع
ورحت للمشفى لاخدو فقالولي بالمشفى انوما بينعطى للحامل فاحترت شو بساوي

ياترى شو الجواب ؟


هلأ اللقاح أنا بعرف إنو بينعطى للحامل اعتبارا من الشهر الخامس... فهل هنن بالمشفى قالولها ما بينعطى لأنها بالثالث... أو مثلا لأنهن عايرولها الأضداد بدمعه ولقوا إنها آخدة اللقاح يعني ما مضي عليها خمس سنين لسا.... أو في شي إن بالموضوع....!!!!!!







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 30


....{SalaM}....

عضــو ماسـي


{{يارب أكرمنا بكرامة القرآن}}




مسجل منذ: 31-07-2009
عدد المشاركات: 3855
تقييمات العضو: 532
المتابعون: 132

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

08-03-2011 06:18 AM




السلام عليكم


ليكون الإجابة فظيعة لحتى ما عاد في مشاركات بالموضوع


         





ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 3 من 9 <- 1 2 3 4 5->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة