اقتباس
طمنا شلون كان الفحص اليوم .... وشو شعورك بالفحص الكتابي!؟؟؟
ألف الحمد لله. ما كنت متخيل اطلع هيك. كتير كتير ممتاز الحمد لله.
أخي لما تكون خالص من المادة ومراجعها وماكنة بدماغك غير شكل
المادة كانت باللغة الإنكليزية، دائماً في مادة بالانكليزي بالماجستير بس كم فرع ما فيهم.
المادة تكنولوجيا صيدلية: اجانا بقسم الدكتور بديع 3 أسئلة حلوين وسهلين "ع اللي دارس" كل سؤال شي صفحة تقريباً. هادا القسم بالعربي بحكم انو الدكتور بديع لغته فرنسي.
الدكتور مازن حمادي، ما حط ولا سؤال، استثناءاً هالسنة. قلي الدكتور محمد أمين انو في شوية مشاكل، الله يفرج همه.
والدكتور محمد امين، قسم الدكتور محمد هو منهاج متغير كل سنة، يعني نحنا اشتغلنا على جهاز DVS وتطبيقاته، فالفحص كان عن التطبيقات. تقريباً شي 20 مقال عن التطبيقات. اجانا 6 أسئلة واختار 4. هادا القسم كلو بالانكليزي.
طبعاً كل الأسئلة Describe and disscus هيك بتقدر تاخد راحتك بالتعبير عن الفكرة بكل رياحة.
بس السيئة الوحيدة بالفحص هي انو الساعتين بتضل عم تكتب كل الوقت ولحق على وراق، أخدت بالاول ورقة امتحان مزدوجة وبعدين ورقتين مفردتين، وقسمت الصفحة بالنص وتعبوا على الآخر.
يعني بدك تكتب ثم تكتب ثم تكتب.
بس بصراحة هادا الفحص أنا بلاقيه أنجح من الأتمتة، بتحس حالك عم تدرس وعم تقدم امتحان. يعني هون بدك تعيد المادة على الأقل 3 مرات لحتى تقدر تجاوب بطلاقة.
ادعولنا نطلع بباقي المواد هيك.
بالتوفيق لكل طلاب الماجستير.