حبيت جرب نشطكن شوي بهي المسابقة

كل مرة منسأل سؤال عن آلية تأثير دواء ما والفائز هو أول واحد بيجاوب عالسؤال بشكل صحيح والجائزة عبارة عن تقييمات إيجابية أقلها خمس تقييمات وكلما كانت الآلية مفصلة ودقيقة أكتر كلما زاد عدد التقييمات اللي ربحها


نبدأ بهذا السؤال :

ما آلية تأثير مضادات الاكتئاب في علاج الشقيقة ؟؟؟



بالتوفيق

السلام عليكم

فكرة رائعة الله يجزيك الخير
بالنسبة لآلية تأثير مضادت الاكتئاب هو زيادة تركيز السيروتونين عن طريق تثبيط عود التقاطه ... وبالتالي نفس الهدف من استعمال مركبات التريبتان يللي هي عبارة عن مقلدات للسيروتونين 5HT1D تستخدم لزيادة تركيز السيروتونين

مزبوط رنا جوابك صحيح ومبروك عليكي الخمس تقييمات

وبضيف شوي صغيرة على اللي ذكرتو زميلتنا بخصوص آلية التأثير
ألم  الشقيقة( اللي الله يعافي كل مبتلى فيه يارب ) كما نعلم هو ناتج عن توسع وعائي شديد بالأوعية الدماغية بفعل المواد الكيميائية الالتهابية الموجودة في جدران الأوعية  ....لذلك نحتاج في العلاج إلى مقبض لهذه الأوعية ومن أفضلها السيروتونين وهو ناقل عصبي موجود في الجسم وهناك من الأدوية مايمكن أن يزيد تحرره أو يعمل منبهاً على نفس مستقبلاته .
من بين تلك الأدوية مضادات الاكتئاب التي تقوم بزيادة تحرر السيروتونين كماذكرت زميلتنا من خلال تثبيط عود التقاطه.




سؤال المسابقة الجديد :

ما آلية تأثير البيوغابالين في علاج ألم العصب عند مرضى السكري ؟؟؟

عمل دواء البيوغابالين  على منع  الحركة الزائدة للخلايا العصبية، تشبه
وظيفة هذا الدواء وظيفة الناقل العصبي جابا(GABA). يقوم الناقل العصبي جابا
بموازنة الاشارات الكهربية في الجهاز العصبي وفي هذه الحالة يقوم بتقليل
التدفق لتلك الاشارات
الحقيقة انو هي المعلومات موجودة عن ألم الأعصاب عند الأشخاص المصابين بالسكري بس مذكورة عن دوا اسمو بريغابالين (فهل يا ترى أحد الاسمين اسم علمي والأخر تجاري ؟على كل حال هي محاولة ).
وكمان قراءت بأن هذا الدواء يرتبط بقنوات الكالسيوم في العصبون قبل المشبك ويقلل من تحرر الناقل العصبي في الفالق المشبكي وبالتالي يقلل من نقل الأشارة العصبية ويقلل الألم

aloaa
بظن جوابك صحيح
والاسم العلمي هو البريغابالين أما البيوغابالين هو اسم تجاري

مسابقة جيدة ومناسبة للتنشيط
جزاك الله خير

مسابقة رائعة

الله يعطيك العافية

وأخيراً صار شي بالمنتدى يرجعلو نشاطو شوي


هلأ بما إنو التقييم الواحد  من عندي بخمس تقييمات فممكن صير أنا ضيف التقييمات للفائزين تسهيلاً عليك وأسرع بإعطاء الجائزة
شو رأيك؟ موافق؟

ليش ب 5 تقييمات؟؟؟
شو صرتي مشرفة ونحنا مو دريانين؟؟
اي خبرينا عالقليلة مشان نباركلك :-)

aloaa
عمل دواء البيوغابالين  على منع  الحركة الزائدة للخلايا العصبية، تشبه وظيفة هذا الدواء وظيفة الناقل العصبي جابا(GABA). يقوم الناقل العصبي جابا بموازنة الاشارات الكهربية في الجهاز العصبي وفي هذه الحالة يقوم بتقليل التدفق لتلك الاشارات
الحقيقة انو هي المعلومات موجودة عن ألم الأعصاب عند الأشخاص المصابين بالسكري بس
مذكورة عن دوا اسمو بريغابالين (فهل يا ترى أحد الاسمين اسم علمي والأخر
تجاري ؟على كل حال هي محاولة ).
وكمان قراءت بأن هذا الدواء يرتبط بقنوات الكالسيوم في العصبون قبل المشبك ويقلل
من تحرر الناقل العصبي في الفالق المشبكي وبالتالي يقلل من نقل الأشارة العصبية ويقلل الألم

محاولة موفقة و جوابك مزبوط aloaa ومبروك عليكي الخمس تقييمات 

ومتل ما ذكرت زميلتنا sweetlife مشكورة كتير ...بالفعل إن البيوغابالين هو أحد الأسماء التجارية الشائعة  للبريغابالين



نور الهداية
هلأ بما إنو التقييم الواحد  من عندي بخمس تقييمات فممكن صير أنا ضيف التقييمات للفائزين تسهيلاً عليك وأسرع بإعطاء الجائزة
شو رأيك؟ موافق؟

طبعاً موافق ....ليش بئدر ما وافق

بس عنجد شكراً كتير نور على هالبادرة اللطيفة  لكن مو غريبة منك  ....
عنجد هيك بتريحيني الله يجزيكي كل خير 



سؤال المسابقة الجديد:

ما آلية تأثير الميتفورمين في معالجة متلازمة المبيض متعدد الكيسات ؟؟؟

ليش ب 5 تقييمات؟؟؟

شو صرتي مشرفة ونحنا مو دريانين؟؟

اي خبرينا عالقليلة مشان نباركلك :-)

اي فيكي تقولي صرت نص مشرفة

طبعاً موافق ....ليش بئدر ما وافق
بس عنجد شكراً كتير نور على هالبادرة اللطيفة  لكن مو غريبة منك  ....
عنجد هيك بتريحيني الله يجزيكي كل خير

شكراً كتير
ضفت التقييمات الخمسة للفائزةaloaa

سؤال المسابقة الجديد:

ما آلية تأثير الميتفورمين في معالجة متلازمة المبيض متعدد الكيسات ؟؟؟

العديد من النساء اللي عندن هالمتلازمة بعانوا مما يسمى "مقاومة الإنسولين" يعني بتصير خلايا الجسم أقل حساسية أو مقاومة له فيعتقد الجسم أنه لا يوجد إنسولين كافي مما يحرض إنتاج المزيد من الإنسولين وزيادة تركيزه في الدم
ووجد أن التراكيز المرتفعة من الإنسولين تؤدي إلى زيادة تراكيز التستوستيرون وبالتالي الإصابة بهالمتلازمة  والمعاناة من أعراضها واضطراب الإباضة هو أهم أعراضها كما هو معروف...

والمتفورمين من الأدوية التي تزيد من حساسية الجسم للإنسولين و بالتالي يقلل من تراكيزه في الدم و بالتالي لا ارتفاع لتركيز التستوستيرون وبالتالي تحسن جيد للحالة...

معلومة عالهامش:
هذه المتلازمة معروفة بالرمز PCOS
Polycyctic Ovary Syndrome